ജനരോഷം ശക്തമാകുന്നു; കല്ലട ബസിന്റെ വൈക്കത്തെ ബുക്കിംഗ് ഓഫീസ് എല്ഡിഎഫ് പ്രവര്ത്തകര് അടച്ചുപൂട്ടി
കല്ലട ട്രാവല്സ് ബസില് യാത്രക്കാരെ ജീവനക്കാര് ക്രൂരമായി മര്ദിച്ച സംഭവത്തില് കല്ലട ബസിന്റെ വൈക്കത്തെ ബുക്കിംഗ് ഓഫീസ് എല്ഡിഎഫ് പ്രവര്ത്തകര് അടച്ചുപൂട്ടി.
വൈക്കം ടൗണിലെ ബുക്കിംഗ് ഓഫീസിലേക്ക് പ്രകടനമായെത്തിയാണ് പ്രവര്ത്തകര് ഓഫീസ് അടപ്പിച്ചത്. സംഭവത്തിന്റെ പശ്ചാത്തലത്തില് കല്ലടയുടെ ജില്ലയിലെ മറ്റ് ഓഫീസുകള്ക്ക് സുരക്ഷ ഏര്പ്പെടുത്തിയിട്ടുണ്ടെന്ന് പോലീസ് വൃത്തങ്ങള് അറിയിച്ചു.
അതേസമയം യാത്രക്കാരെ ആക്രമിച്ച സംഭവത്തിൽ സംഭവത്തില് ബസ് ജീവനക്കാരെ പൊലീസ് അറസ്റ്റ് ചെയ്തിട്ടുണ്ട്. ജയേഷ് ജിതിന് എന്നിവരെയാണ് മരടു പൊലീസ് അറസ്റ്റു ചെയ്തത്. സംഭവം ആസൂത്രിതമാണോയെന്ന് അന്വേഷിക്കുമെന്ന് സിറ്റി പൊലീസ് കമ്മീഷണര് അറിയിച്ചു. യുവാക്കളെ ക്രൂരമായി മര്ദിച്ച കേസില് കല്ലട ബസിന്റെ പെര്മിറ്റ് റദ്ദാക്കിയിട്ടുണ്ട്.
നേരത്തെ കമ്പനി മാനേജരെ പൊലീസ് കസ്റ്റഡിയിലെടുത്തിരുന്നു. ബെംഗളൂരു സര്വീസ് നടത്തുന്ന കല്ലട ബസ് പിടിച്ചെടുക്കുമെന്നും പൊലീസ് അറിയിച്ചിരുന്നു. സംഭവത്തില് മൂന്ന് ജീവനക്കാര്ക്കെതിരെ മരട് പൊലീസ് കേസെടുത്തിരുന്നു.