മോദി സര്ക്കാരിന് കനത്ത തിരിച്ചടി; കേന്ദ്രസര്ക്കാര് വാദങ്ങള് സുപ്രീംകോടതി തള്ളി
റഫാലില് മോദി സര്ക്കാരിന് തിരിച്ചടി. കേന്ദ്രസര്ക്കാര് വാദങ്ങള് സുപ്രീം കോടതി തള്ളി. പുതിയ രേഖകള് സ്വീകരിക്കാന് സുപ്രീംകോടതി അനുമതി നല്കി. ചീഫ് ജസ്റ്റിസ് അധ്യക്ഷനായ ബെഞ്ചിന്റേതാണ് വിധി. പ്രതിരോധ രേഖകള് തെളിവാക്കാന് കഴിയില്ലെന്നായിരുന്നു കേന്ദ്രവാദം.
റഫാല് രേഖകള്ക്ക് വിശേഷാധികാരമുണ്ടെന്നും പുന:പരിശോധനാഹര്ജികളില് വാദം കേള്ക്കുമ്പോള് പരിഗണിക്കരുതെന്നുമുളള കേന്ദ്രസര്ക്കാര് വാദത്തിലാണ് സുപ്രീംകോടതിയുടെ നിര്ണായക വിധി. മൂന്നംഗബെഞ്ചിലെ ചീഫ് ജസ്റ്റിസ് രഞ്ജന് ഗൊഗൊയിയും ജസ്റ്റിസ് കെ.എം.ജോസഫും പ്രത്യേക വിധിയാണ് പറഞ്ഞത്. പ്രതിരോധരേഖകള്ക്ക് ഔദ്യോഗികരഹസ്യനിയമത്തിന്റെ പരിരക്ഷയുണ്ടെന്നായിരുന്നു കേന്ദ്രത്തിന്റെ മുഖ്യവാദം.
ഹര്ജിക്കാരായ പ്രശാന്ത് ഭൂഷണ്, യശ്വന്ത് സിന്ഹ, അരുണ് ഷൂരി തുടങ്ങിയവര് ഹാജരാക്കിയ റഫാല് രേഖകളുടെ പകര്പ്പ് കോടതി പരിഗണിക്കരുതെന്നും പുനഃപരിശോധനാ ഹര്ജികളില് നിന്ന് രേഖകള് നീക്കം ചെയ്യണമെന്നും കേന്ദ്രസര്ക്കാര് വാദിച്ചു.
ഔദ്യോഗികരഹസ്യനിയമം, വിവരാവകാശനിയമം, തെളിവുനിയമം എന്നിവയിലെ വകുപ്പുകള് പ്രതിരോധരേഖകള്ക്ക് സവിശേഷാധികാരം നല്കുന്നുണ്ട്. രാജ്യസുരക്ഷയുമായി ബന്ധപ്പെട്ട രേഖകള് അതിന്റെ സൂക്ഷിപ്പുക്കാരനായ ഉദ്യോഗസ്ഥന്റെ അനുമതിയില്ലാതെ കോടതിക്ക് പരിഗണിക്കാനാകില്ല.