രാഹുൽ ഗാന്ധിക്ക് മറുപടി പറയാൻമാത്രം സിപിഎം ഇല്ല; അതിനു ഞങ്ങൾ മതി: ചെന്നിത്തല
കോൺഗ്രസ് അധ്യക്ഷൻ രാഹുൽ ഗാന്ധിക്ക് മറുപടി പറയാൻ മാത്രമുള്ളതില്ല സിപിഎമ്മെന്നും അതിന് കേരളത്തിലെ കോൺഗ്രസ് നേതാക്കൾ ധാരാളമെന്നും പ്രതിപക്ഷ നേതാവ് രമേശ് ചെന്നിത്തല.
രാഹുലിന്റെ വയനാട്ടിലെ സ്ഥാനാർഥിത്വത്തെ വിമർശിച്ച് സിപിഎം നേതാക്കൾ നേരത്തെ രംഗത്തത്തിയിരുന്നു. എന്നാൽ ആ വിമർശനങ്ങളെയെല്ലാം താൻ സ്വീകരിക്കുന്നുവെന്നും മറിച്ച് ഒരു വാക്കുപോലും സിപിഎമ്മിനെതിരെ തന്റെ ഭാഗത്തുനിന്ന് ഉണ്ടാകില്ലെന്നും കഴിഞ്ഞദിവസം വയനാട്ടിലെത്തിയ രാഹുൽ ഗാന്ധി വ്യക്തമാക്കിയിരുന്നു.
ഇതിന്റെ ചുവടുപിടിച്ചാണ് ചെന്നിത്തലയുടെ പരിഹാസം. സിപിഎം ജനറൽ സെക്രട്ടറി സീതാറാം യെച്ചൂരിയോട് പോലും കേരളത്തിലെ സിപിഎമ്മുകാർ മാന്യത കാണിച്ചില്ലെന്നും ചെന്നിത്തല കുറ്റപ്പെടുത്തി.