നിര്മാതാവ് ഷഫീര് സേട്ട് അന്തരിച്ചു
26 March 2019
നിര്മാതാവും പ്രൊഡക്ഷന് കണ്ട്രോളറുമായ ഷഫീര് സേട്ട് (44) അന്തരിച്ചു. ചൊവ്വാഴ്ച വെളുപ്പിന് രണ്ട് മണിക്ക് കൊടുങ്ങല്ലൂര് മോഡേണ് ഹോസ്പിറ്റലില്വെച്ച് ഹൃദയാഘാതം മൂലമാണ് മരണം സംഭവിച്ചത്. ആത്മകഥ, ചാപ്റ്റേഴ്സ്, ഒന്നും മിണ്ടാതെ തുടങ്ങിയ ചിത്രങ്ങളുടെ നിര്മാതാവാണ്.
പരുന്ത്, കഥപറയുമ്പോള് തുടങ്ങി ഏഴോളം ചിത്രങ്ങളില് പ്രൊഡക്ഷന് കണ്ട്രോളറായും പ്രൊഡക്ഷന് എക്സിക്യൂട്ടീവ്, എക്സിക്യൂട്ടീവ് പ്രൊഡ്യൂസര് എന്നീ നിലകളിലും പ്രവര്ത്തിച്ചിട്ടുണ്ട്. ഭാര്യ: ഐഷ. മക്കള്: ദിയ ഖുല്ബാന്, ദയാല് ഖുല്ബാന്. ഖബറടക്കം ഇന്ന് വൈകീട്ട് 4.30 ന് കൊടുങ്ങല്ലൂര് ചേരമാന് ജുമാ മസ്ജിദ് ഖബര്സ്ഥാനില് നടക്കും.