കാജലിന്റെ മാറിടത്തില് കൈവച്ച് സഹതാരം; പാരിസ് പാരിസ് എന്ന ചിത്രത്തിന്റെ ട്രെയ്ലറിനെതിരേ കടുത്ത വിമര്ശനം: വീഡിയോ
കാജല് അഗര്വാള് നായികയാകുന്ന തമിഴ് ചിത്രമാണ് പാരീസ് പാരീസ്. ഹിന്ദിയില് വന് ഹിറ്റായ ക്യൂന് സിനിമയുടെ ഔദ്യോഗിക റീമേക്കാണ് ചിത്രം. എന്നാല് കഴിഞ്ഞ ദിവസം ഇറങ്ങിയ ചിത്രത്തിന്റെ ട്രെയിലറിലെ ഒരു രംഗം വിവാദം സൃഷ്ടിച്ചിരിക്കുകയാണ്.
കാജലിന്റെ സ്തനത്തില് സഹതാരമായ എല്ലി അവരാം തൊടുന്ന രംഗമാണ് ഒരു കൂട്ടം ആളുകളെ ചൊടിപ്പിച്ചിരിക്കുന്നത്. സിനിമ വില്ക്കാനുള്ള സംവിധായകന്റെ തന്ത്രമാണിതെന്നും കാജലിനെപ്പോലുള്ള ഒരു താരത്തെ അതിന് ഉപയോഗിച്ചെന്നും ചിലര് അഭിപ്രായപ്പെടുന്നു.
യൂ ട്യൂബില് പോസ്റ്റ് ചെയ്തിരിക്കുന്ന സിനിമയുടെ ട്രെയ്ലറിന് താഴെയും വിമര്ശനമുണ്ട്. രംഗം വലിയ വിവാദമായതോടെ വിശദീകരണവുമായി സംവിധായകന് രമേഷ് അരവിന്ദ് തന്നെ രംഗത്തെത്തി. ഹിന്ദി ചിത്രത്തില് കങ്കണയും ലിസ ഹെയ്ഡനും തമ്മിലുള്ള ഒരു തമാശ രംഗം അതേ പടി അവിഷ്കരിക്കുകയാണ് ഈ ചിത്രത്തിലും എന്നാണ് സംവിധായകന്റെ വാദം.
ഹിന്ദിയില് ഇല്ലാത്ത വിവാദമാണ് ഇപ്പോള് തമിഴില് ഉണ്ടായിരിക്കുന്നത് എന്നും ഇദ്ദേഹം പറയുന്നു. 2014 ല് മികച്ച നടിക്കുള്ള ദേശീയ പുരസ്കാരത്തിന് കങ്കണയെ അര്ഹയാക്കിയ ചിത്രമാണ് ക്യൂന്. വികാസ് ബാലാണ് ചിത്രം സംവിധാനം ചെയ്തത്. ഈ ചിത്രത്തിന്റെ തമിഴ് പതിപ്പിന് പുറമേ മലയാളം, തെലുങ്ക്, കന്നഡ റീമേക്കുകളും റിലീസിന് തയ്യാറാകുകയാണ്.