‘ഞാന് വനിതാ മതിലിനൊപ്പം’; പിന്തുണയുമായി നടി മഞ്ജു വാര്യര്: വീഡിയോ
നവോത്ഥാന മൂല്യങ്ങളെ ഉയര്ത്തിപ്പിടിക്കാന് സംഘടിപ്പിക്കുന്ന വനിതാ മതിലിന് പിന്തുണയുമായി നടി മഞ്ജു വാര്യര്. വനിതാ മതിലിന്റെ പേജിലാണ് മഞ്ജുവിന്റെ പിന്തുണ അറിയിച്ചുകൊണ്ടുള്ള വീഡിയോ പോസ്റ്റ് ചെയ്തത്. ”നവോത്ഥാന മൂല്യങ്ങള് സംരക്ഷിക്കണം. സ്ത്രീ പുരുഷ സമത്വം അനിവാര്യം. മുന്നോട്ട് പോകട്ടേ കേരളം. ഞാന് വനിതാ മതിലിനൊപ്പം” മഞ്ജു വാര്യര് വീഡിയോയില് പറഞ്ഞു.
ജനുവരി ഒന്നിന് നാല് മണിക്കാണ് ദേശീയ പാതകള് കേന്ദ്രീകരിച്ച് വനിതാമതില് സംഘടിപ്പിക്കുന്നത്. കാസര്കോട് മുതല് തിരുവനന്തപുരം വരെ വനിതാ മതില് സംഘടിപ്പിക്കാനുള്ള തീരുമാനം നവോത്ഥാന പാരമ്പര്യമുള്ള സംഘടനകളുടെ യോഗത്തിലാണ് എടുത്തത്.
വനിതാ മതിലില് മൂന്ന് ദശലക്ഷം വനിതകളെ ഇടതുമുന്നണി അണിനിരത്തുമെന്ന് കണ്വീനര് എ വിജയരാഘവന് വ്യക്തമാക്കിയിരുന്നു. അതേസമയം ‘വനിതാമതില് വര്ഗീയ മതില്’ എന്ന പ്രചാരണവുമായി മുന്നോട്ടുപോകാനാണ് യുഡിഎഫിന്റെ തീരുമാനം.