കെഎസ്ആര്ടിസിയില് വീണ്ടും കൂട്ടപ്പിരിച്ചുവിടല്; 134 ജീവനക്കാരെ കൂടി പിരിച്ചുവിട്ടു
13 October 2018
എറണാകുളം : കെ.എസ്.ആര്.ടി.സിയില് നിന്ന് 134 ജീവനക്കാരെ കൂടി പിരിച്ചു വിട്ടു.ദീര്ഘനാളായി അവധിയില് പ്രവേശിച്ച 69 ഡ്രൈവര് മാരെയും 65 കണ്ടക്ടര് മാരെയുമാണ് കെ.എസ്.ആര്.ടി.സിയില് നിന്ന് പിരിച്ചുവിട്ടത് . 773 പേരെ ഇതേകാരണത്താല് നേരത്തേ സര്വീസില്നിന്നു പുറത്താക്കിയിരുന്നു.മെക്കാനിക്കല്, മിനിസ്റ്റീരിയല് വിഭാഗങ്ങളില് അനധികൃതമായി ജോലിക്കു ഹാജരാകാത്ത ജീവനക്കാരെ പിരിച്ചുവിടുമെന്ന് എംഡി ടോമിന് തച്ചങ്കരി നേരത്തേ മുന്നറിയിപ്പ് നല്കിയിരുന്നു.
ഡ്രൈവര്മാരും കണ്ടക്ടര്മാരും ഇല്ലാത്തതിനാല് സര്വീസുകള് വെട്ടിച്ചുരുക്കുന്ന സാഹചര്യം ഉണ്ടായതോടെയാണ് ലീവിലുള്ള ഉദ്യോഗസ്ഥരെ കെഎസ്ആര്ടിസി തിരികെ വിളിച്ചത്. കോര്പറേഷനിലെ നിയമം അനുസരിച്ച് അഞ്ച് വര്ഷം വരെ ജീവനക്കാര്ക്കു ദീര്ഘകാല അവധിയെടുക്കാം. എന്നാല് ആവശ്യപ്പെട്ടാല് ജോലിക്കു ഹാജരാകണമെന്നാണു നിബന്ധന.