ജീവിതത്തിലെ ഏറ്റവും നിര്ണ്ണായകവും തീവ്രവുമായ ഒരു പഠന കാലമാണിത് – നടന് പൃഥ്വിരാജ്
സംവിധാനം അത്ര എളുപ്പമല്ലെന്നും തന്റെ ജീവിതത്തിലെ ഏറ്റവും തീവ്രമായ പഠനകാലമാണ് ഇതെന്നും നടന് പൃഥ്വിരാജ്. ഫെയ്സ്ബുക്കിലൂടെയാണ് ലൂസിഫറിന്റെ ചിത്രീകരണവിശേഷം പൃഥ്വിരാജ് പങ്കുവെച്ചിരിക്കുന്നത്. ഒരാഴ്ചയും കൂടിയുണ്ട്, ലൂസിഫറിന്റെ അടുത്ത ഷെഡ്യൂളിന്.
ഇതിഹാസ തുല്യരായ കലാകാരന്മാരെ ഒരു ഫ്രെയിമില് നിര്ത്തി സംവിധാനം ചെയ്യുക എന്നത് വലിയ പ്രിവിലേജ് ആയി കരുതുന്നു. എന്റെ സിനിമാ ജീവിതത്തിലെ ഏറ്റവും നിര്ണ്ണായകവും തീവ്രവുമായ ഒരു പഠന കാലമാണിത്’. പൃഥ്വിരാജ് കുറിച്ചു. ചിത്രത്തിന്റെ ട്രെയിലര് ഉടന് പുറത്തുവിടുെമന്നും താരം വ്യക്തമാക്കി.
ലൂസിഫറില് വില്ലന് വേഷത്തിലെത്തുന്നത് ബോളിവുഡ് നടന് വിവേക് ഒബ്റോയിയാണ്. യുവനായകന് ടോവിനോ തോമസും ചിത്രത്തില് പ്രധാന വേഷം കൈകാര്യം ചെയ്യും. വില്ലന് സിനിമക്ക് ശേഷം മോഹന്ലാലിന്റെ നായികയായി മഞ്ജു വാര്യരെത്തുന്ന ചിത്രം കൂടിയാണിത്. വലിയ ബജറ്റില് ഒരുങ്ങുന്ന ചിത്രത്തിന് വേണ്ടി കാസ്റ്റ് ചെയ്തിരിക്കുന്നത് വലിയ താരനിരയെ തന്നെയാണ്
മുരളി ഗോപി തിരക്കഥ രചിക്കുന്ന ചിത്രത്തിന്റെ ഛായാഗ്രഹണം സുജിത്ത് വാസുദേവാണ്. പൊളിറ്റിക്കല് ത്രില്ലര് വിഭാഗത്തില് പെടുത്താവുന്ന സിനിമയുടെ സംഗീതം ദീപക് ദേവ് ആണ്. രണ്ട് വര്ഷങ്ങള്ക്ക് മുമ്പാണ് മോഹന്ലാല് നായകനായി താന് സിനിമ സംവിധാനം ചെയ്യുന്നുവെന്ന് പൃഥ്വിരാജ് പ്രഖ്യാപിച്ചത്. സിനിമാലോകം ഏറെ പ്രതീക്ഷയോടെ കാത്തിരുന്ന ആ ചിത്രം ഇരുവരുടെയും തിരക്കുകള് കാരണം നീണ്ട് പോകുകയായിരുന്നു.