സംസ്ഥാനത്ത് വീണ്ടും കനത്ത മഴയ്ക്ക് സാധ്യത; ജാഗ്രത പാലിക്കണമെന്ന് നിര്ദേശം
24 September 2018
അടുത്ത അഞ്ച് ദിവസങ്ങളില് സംസ്ഥാനത്ത് കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. സംസ്ഥാനത്തിന്റെ പല മേഖലകളിലും മഴയ്ക്ക് സാധ്യതയുണ്ടെന്നാണ് മുന്നറിയിപ്പില് വ്യക്തമാക്കിയിരിക്കുന്നത്. ഞായറാഴ്ച മുതല് വിവിധ പ്രദേശങ്ങളില് നല്ല മഴ ലഭിക്കുന്നുണ്ട്. ഇതിന്റെ തുടര്ച്ചയായിട്ടാവും വരും ദിവസങ്ങളിലും മഴ പെയ്യുക എന്ന് കാലാവസ്ഥാ നിരീക്ഷണ കേന്ദ്രം ഡയറക്ടര് കെ.സന്തോഷ് അറിയിച്ചു.
പത്തനംതിട്ട, ഇടുക്കി, വയനാട്, തൃശൂര്, പാലക്കാട് ജില്ലകളില് കാലാവസ്ഥാ നിരീക്ഷണ കേന്ദ്രം മഞ്ഞ അലര്ട്ട് പ്രഖ്യാപിച്ചിട്ടുണ്ട്. വേണ്ട തയ്യാറെടുപ്പുകള് നടത്താന് നിര്ദ്ദേശം നല്കിയിട്ടുണ്ടെന്ന് മുഖ്യമന്ത്രിയുടെ ഓഫീസ് അറിയിച്ചു.