സംസ്ഥാനത്ത് ജൂലൈ 30ന് ഹര്ത്താല്
25 July 2018
ശബരിമലയിലെ സ്ത്രീപ്രവേശന വിഷയത്തില് ഹിന്ദുവിശ്വാസ വിരുദ്ധ നിലപാട് സര്ക്കാര് തിരുത്തണമെന്ന് ആവശ്യപ്പെട്ട് 30ന് സംസ്ഥാനത്ത് സൂചന ഹര്ത്താല് നടത്തുമെന്ന് വിവിധ ഹിന്ദു സംഘടനകള് അറിയിച്ചു. യുവതികള്ക്ക് ശബരിമലയില് കോടതി പ്രവേശനം അനുവദിച്ചാല് പമ്പയില് അവരെ തടയുമെന്നും സംഘടനകള് വാര്ത്താസമ്മേളനത്തില് വ്യക്തമാക്കി.
ബി.ജെ.പി, ആര്.എസ്.എസ്. എന്നിവരുമായി ഈ വിഷയത്തില് ചര്ച്ച നടത്തിയിട്ടില്ലെന്ന് അയ്യപ്പധര്മ സേന ജനറല് സെക്രട്ടറി ഷെല്ലി രാമന് പുരോഹിത് പറഞ്ഞു. ശ്രീരാമസേന, ഹനുമാന് സേന ഭാരത്, വിശാല വിശ്വകര്മ ഐക്യവേദി എന്നീ സംഘടനകളുടെ പ്രതിനിധികളും വാര്ത്താസമ്മേളനത്തില് പങ്കെടുത്തു.