പി ചിദംബരത്തിന്റെ വീട്ടില്‍ മോഷണം; ആഭരണങ്ങളും പണവും കവര്‍ന്നു
8 July 2018
ചെന്നൈ: മുതിര്‍ന്ന കോണ്‍ഗ്രസ് നേതാവ് പി ചിദംബരത്തിന്റെ വീട്ടില്‍ മോഷണം. ആഭരണങ്ങളടക്കം രണ്ടര ലക്ഷം രൂപയുടെ നഷ്ടമുണ്ടായി. പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. ഒന്നര ലക്ഷം രൂപയും, ഒരു ലക്ഷം രൂപ വിലമതിക്കുന്ന ആഭരണങ്ങളുമാണ് ദിവസങ്ങള്‍ക്ക് മുന്‍പ് മോഷണം പോയതെന്ന് മുതിര്‍ന്ന പൊലീസ് ഉദ്യോഗസ്ഥന്‍ വ്യക്തമാക്കി.
ദിവസങ്ങള്‍ക്ക് മുന്‍പ് നടന്ന മോഷണ വാര്‍ത്ത ഇപ്പോഴാണ് പുറത്തറിയുന്നത്. അതേസമയം മുന്‍ ധനകാര്യ മന്ത്രിയായിരുന്ന ചിദംബരത്തിന്റെ വീടിന് മുഴുവന്‍ സമയ പൊലീസ് സുരക്ഷ നല്‍കുന്നതിനാല്‍ തന്നെ പുറത്തുനിന്നുള്ള ഒരാളല്ല മോഷ്ടാവെന്നാണ് പൊലീസിന്റെ പ്രാഥമിക നിഗമനം. വീടിനകത്തുള്ള ജീവനക്കാരിലേക്കാണ് അന്വേഷണം പുരോഗമിക്കുന്നത്.
