കേരളത്തില് കനത്ത മഴയ്ക്കും കാറ്റിനും സാധ്യത; ജാഗ്രത നിര്ദേശം
20 June 2018
തിരുവനന്തപുരം: കേരളത്തിലെ ചിലയിടങ്ങളില് 24 മണിക്കൂറിനുള്ളില് കനത്ത മഴയ്ക്കു സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ജൂണ് 21 മുതല് 24 വരെ ശക്തമായ മഴയ്ക്കു സാധ്യതയുണ്ട്. തുടര്ച്ചയായ മഴയുടെ പശ്ചാത്തലത്തില് പെട്ടെന്നുള്ള വെള്ളപ്പൊക്കം, ഉരുള്പൊട്ടല്, മണ്ണിടിച്ചില് എന്നിവ തുടരുവാനും സാധ്യതയുണ്ട്.
കേരളത്തിലെ നദികളില് വെള്ളപ്പൊക്കെ സാധ്യതയുണ്ടെന്ന് കേന്ദ്ര ജല കമ്മീഷനും അറിയിച്ചിട്ടുണ്ട്. ഇതോടൊപ്പം കേരളകര്ണാടക, ലക്ഷദ്വീപ് തീരങ്ങളില് മണിക്കൂറിന് 45 മുതല് 55 കിമീ വേഗതയില് കാറ്റടിക്കുവാനും സാധ്യതയുണ്ട്. മത്സ്യത്തൊഴിലാളികള് ഇന്ന് ഉച്ചയ്ക്ക് 2 മണിമുതല് അടുത്ത 24 മണിക്കൂര് നേരത്തേക്ക് മത്സ്യബന്ധനത്തിനായി കടലില് പോകരുതെന്നും നിര്ദേശമുണ്ട്.