ഇങ്ങനെയും വ്യായാമം ചെയ്യാം; ട്രെഡ്മില്ലില്‍ നൃത്തം ചെയ്യുന്ന പെണ്‍കുട്ടിയുടെ വീഡിയോ വൈറലാകുന്നു

വ്യായാമം ചെയ്യുന്നത് പലര്‍ക്കും കഷ്ടപ്പാടാണ്. ജിമ്മില്‍ പോകാനും വ്യായാമം ചെയ്യാനുമൊക്കെ മടിയുള്ളവര്‍ ഈ വീഡിയോ ഒന്ന് കാണുന്നത് നല്ലതാകും. കാരണം വ്യായാമം എങ്ങനെ രസകരമാക്കാം എന്നാണ് ഈ വീഡിയോയിലൂടെ കാണിച്ചുതരുന്നത്.

പഞ്ചാബി ഗാനത്തിനൊത്ത് ഒരു പെണ്‍കുട്ടി നൃത്തം ചെയ്യുന്നതാണ് വീഡിയോയിലുള്ളത്. നൃത്തം ചെയ്യുന്നതാകട്ടെ ട്രെഡ്മില്ലിന് മുകളില്‍ കയറി നിന്നും. ഒട്ടനവധി പേരാണ് വീഡിയോ കാണുകയും ഷെയര്‍ ചെയ്യുകയും ചെയ്തത്. നിരന്തര പരിശീലനത്തിലൂടെയാണ് ഈ പെണ്‍കുട്ടിക്ക് ട്രെഡ്മില്ലിന് മുകളില്‍ കയറി നിന്ന് ഇങ്ങനെ നൃത്തം ചെയ്യാന്‍ സാധിച്ചത്. ഇത് കണ്ട് സാധാരണക്കാര്‍ അനുകരിക്കാന്‍ ശ്രമിക്കുന്നത് അപകടമാണെന്ന മുന്നറിയിപ്പും വീഡിയോയിലുണ്ട്.

‘ജാനി തേരാ നാ’ എന്ന പ്രശസ്ത പഞ്ചാബി ഗാനത്തിനൊത്താണ് പെണ്‍കുട്ടി നൃത്തം ചെയ്യുന്നത്. പെണ്‍കുട്ടിയുടെ നൃത്തത്തെ അഭിനന്ദിച്ച് നിരവധി പേര്‍ സോഷ്യല്‍മീഡിയയില്‍ കമന്റിട്ടിട്ടുണ്ട്.