അട്ടപ്പാടിയിലെ പീഡനം: പൊലീസിനെ വെട്ടിച്ചു കടന്ന പ്രതിയെ പിടികൂടി.

പാലക്കാട്: പൊലീസ്​ കസ്​റ്റഡിയില്‍ നിന്ന്​ രക്ഷപ്പെട്ട അട്ടപ്പാടി പീഡനകേസിലെ പ്രതി പിടിയില്‍. അട്ടപ്പാടി കാരറ ഊരിലെ വീനസ് രാജി(20)നെയാണ് ഇന്ന് പുലര്‍ച്ചെ പൊലീസ് സംഘം പാലക്കാട് നിന്ന് പിടികൂടിയത്. ഇയാളെ ഇന്ന് കോടതിയില്‍ ഹാജരാക്കും.

കോടതിയില്‍ ഹാജരാക്കാന്‍ ​കൊണ്ടു വരുമ്പോഴാണ്​ വീനസ്​ രാജ്​ രക്ഷപ്പെട്ടത്​. കാഞ്ഞിരപ്പുഴ പു​ഞ്ചോല ഭാഗത്ത്​ നിന്നാണ്​ വീനസ്​ രാജിനെ പൊലീസ്​ പിടികൂടിയതെന്നാണ്​ വിവരം.

വെ​ള്ളി​യാ​ഴ്ച വൈ​കീ​ട്ട്​ ഏ​ഴോ​​ടെ​യാ​ണ് വീനസ്​ രാജ്​ പൊലീസ്​ കസ്​റ്റഡിയില്‍ നിന്ന്​ രക്ഷപ്പെട്ടത്​.

പ്രതികളില്‍ ആനക്കട്ടി സ്വദേശി ഇന്ദുമതി (19), നെല്ലിപ്പതി ഊരിലെ രതീഷ് (20), ശിവകുമാര്‍ എന്നിവരെയാണ് മജിസ്ട്രേറ്റിന് മുന്നില്‍ ഹാജരാക്കിയത്. മറ്റുള്ളവരെ പൊലീസ് ബസില്‍ തന്നെ ഇരുത്തിയിരുന്നു. സുരക്ഷയ്ക്കായി പൊലീസുകാരും ഉണ്ടായിരുന്നു. ഈ സമയമാണ് പൊലീസുകാരുടെ കണ്ണുവെട്ടിച്ച്‌ വീനസ് രാജ് കടന്നുകളഞ്ഞത്.

​അട്ട​പ്പാ​ടി​യി​ല്‍ പ്രാ​യ​പൂ​ര്‍​ത്തി​യാ​വാ​ത്ത ആ​ദി​വാ​സി പെ​ണ്‍​കു​ട്ടി​യെ കൂ​ട്ട​ബ​ലാ​ത്സം​ഗം ചെ​യ്​​ത കേ​സി​ല്‍ 12 പേ​രെയാണ്​ അ​ഗ​ളി പൊ​ലീ​സ് അ​റ​സ്​​റ്റ്​ ചെ​യ്തത്​. കേ​സു​മാ​യി ബ​ന്ധ​പ്പെ​ട്ട് ഇ​ട​നി​ല​ക്കാ​രി​യാ​യി പ്ര​വ​ര്‍​ത്തി​ച്ച ആ​ന​ക്ക​ട്ടി സ്വ​ദേ​ശി ഇ​ന്ദു​മ​തി (19), ആ​ന​ക്ക​ട്ടി ര​തീ​ഷ് (20), നെ​ല്ലി​പ്പ​തി ഊ​രി​ലെ ശി​വ​കു​മാ​ര്‍ (22), വീ​ന​സ് രാ​ജ് (20), കാ​ര​റ ഊ​രി​ലെ മ​ണി​ക​ണ്ഠ​ന്‍ (20), താ​ഴെ സാ​മ്ബാ​ര്‍​കോ​ട് ഊ​രി​ലെ രാം​രാ​ജ് (20), സു​ധീ​ഷ് (21), ഭൂ​തി​വ​ഴി ഊ​രി​ലെ രാ​ജേ​ഷ് (25), എം. ​കു​മാ​ര്‍ (23), അ​ര​വി​ന്ദ് (22), കാ​ര​യൂ​ര്‍ ഈ​ശ്വ​ര​ന്‍ (20), നെ​ല്ലി​പ്പ​തി എം. ​കു​മാ​ര്‍ (23) എ​ന്നി​വ​രാ​ണ് പി​ടി​യി​ലാ​യ​ത്.