വിജിലന്‍സ് ഡയറക്ടറായിരിക്കെ ജേക്കബ് തോമസ് ഇറക്കിയ സര്‍ക്കുലറുകള്‍ കൂട്ടത്തോടെ റദ്ദാക്കി
25 May 2018
തിരുവനന്തപുരം: ഉന്നത നിയമനങ്ങളില്‍ വിജിലന്‍സ് ക്ലിയറന്‍സ് നിര്‍ബന്ധമാക്കിയത് ഉള്‍പ്പെടെ മുന്‍ വിജിലന്‍സ് ഡയറക്ടര്‍ ജേക്കബ് തോമസ് ഇറക്കിയ 48 സര്‍ക്കുലറില്‍ 36 എണ്ണവും വിജിലന്‍സ് ഡയറക്ടര്‍ എന്‍.സി അസ്താന റദ്ദാക്കി.
ചട്ടവിരുദ്ധമെന്ന് കണ്ടെത്തിയതിനെ തുടര്‍ന്ന് മൂന്നംഗ സമിതിയുടെ റിപ്പോര്‍ട്ട് പ്രകാരമാണ് സര്‍ക്കുലറുകള്‍ കൂട്ടത്തോടെ റദ്ദാക്കിയത്. എന്‍.സി അസ്താന ഈ മാസം അവസാനം വരെയാണ് വിജിലന്‍സ് ഡയറക്ടറായി തുടരുക.
ഇതിനിടെയാണ് റാദ്ദാക്കല്‍. മുമ്പ് നിലവിലെ പോലീസ് മേധാവി ലോക്‌നാഥ് ബെഹ്‌റ വിജിലന്‍സ് ഡയറക്ടറായ സമയത്തും ഇതേ രീതിയില്‍ സര്‍ക്കുലര്‍ റദ്ദാക്കിയിരുന്നത് വിവാദത്തിലായിരുന്നു. രണ്ട് വര്‍ഷത്തോളമാണ് ജേക്കബ് തോമസ് വിജിലന്‍സ് ഡയറക്ടര്‍ സ്ഥാനത്തിരുന്നത്.
