ഷവോമി MI 6X ഏപ്രില് 25ന് എത്തും
ഷവോമി എംഐ 6 എക്സ് സ്മാര്ട്ട്ഫോണ് വിപണിയില് എത്താന് ഒരുങ്ങുന്നു. ഏപ്രില് 25 ന് നടക്കുന്ന പരിപാടിയിലേക്ക് ഷവോമി ചൈനീസ് മാധ്യമങ്ങളെ ക്ഷണിച്ചിട്ടുണ്ട്. എംഐഎ 1ന് പിന്ഗാമി ആണ് ഷവോമി എംഐ 6 എക്സ് സ്മാര്ട്ട്ഫോണ്. ചൈനയില് എംഐ 5 എക്സ് എന്ന പേരില് പുറത്തിറക്കിയ ഫോണ് ആണ് എംഐ എവണ് എന്ന പേരില് ആഗോള വിപണിയിലേക്കെത്തിയത്.
5.99 ഇഞ്ച് ഫുള് എച്ച്ഡി ഡിസ്പ്ലേ, 2910 mAh ബാറ്ററി, സ്നാപ് ഡ്രാഗണ് 626, 4ജിബി റാം, 64 ജിബി സ്റ്റോറേജ്, മൈക്രോ എസ്ഡി സ്ലോട്ട്, ഹൈബ്രിഡ് സിം കാര്ഡ് സ്ലോട്ട്, 20 എംപി 8 എംപി ഡ്യുവല് ക്യാമറ, 20 എംപി സെല്ഫി ക്യാമറ എന്നിവയാണ് പ്രധാന സവിശേഷതകള്. എംഐ എവണില് ഉപയോഗിച്ച അതേ ബാറ്ററിയാണിതിനും.
ഓറിയോയില് അധിഷ്ഠിതമായ എംഐയുഐയില് പ്രവര്ത്തിക്കുന്ന ഫോണ് ആയിരിക്കും എംഐ 6 എക്സ്. എന്നാല്, ആഗോള തലത്തില് എംഐ എ2 എന്ന പേരില് ഫോണിന്റെ ആന്ഡ്രോയിഡ് വണ് പതിപ്പായിരിക്കുമെന്നും സൂചനയുണ്ട്. എന്നാല് ഇതില് സ്ഥിരീകരണമില്ല.