ബിജെപി നേതാവ് എ.എന്‍. രാധാകൃഷ്ണന് ബിനീഷ് കോടിയേരിയുടെ വക്കീല്‍ നോട്ടീസ്
28 February 2018
തിരുവനന്തപുരം: ബിജെപി നേതാവ് എ.എന്‍. രാധാകൃഷ്ണന് ബിനീഷ് കോടിയേരിയുടെ വക്കീല്‍ നോട്ടീസ്. തിരുവനന്തപുരത്ത് തന്റെ പേരില്‍ 25 കമ്പനികള്‍ ഉണ്ടെന്ന രാധാകൃഷ്ണന്റെ പ്രസ്താവനക്കെതിരെയാണ് ബിനീഷ് വക്കീല്‍ നോട്ടീസയച്ചിരിക്കുന്നത്.
ഇല്ലാത്ത വാര്‍ത്തകള്‍ പ്രചരിപ്പിച്ച് ശ്രദ്ധ നേടാനുള്ള തന്ത്രമാണ് രാധാകൃഷ്ണന് നടത്തുന്നതെന്ന് ബിനീഷ് നോട്ടീസില്‍ ചൂണ്ടിക്കാട്ടി. വാര്‍ത്ത പിന്‍വലിച്ച് മാപ്പു പറയണമെന്നും ബിനീഷ് നോട്ടീസില്‍ ആവശ്യപ്പെട്ടിട്ടുണ്ട്.
കോടിയേരിയുടെ കുടുംബം രാജ്യസുരക്ഷയെ ബാധിക്കുന്ന സമാന്തര സമ്പദ്ഘടനയുടെ ഭാഗമെന്നായിരുന്നു എ. എന്‍ രാധാകൃഷ്ണന്റെ ആരോപണം. തിരുവനന്തപുരത്ത് ഒരു കെട്ടിടത്തിന്റെ വിലാസത്തില്‍ 28 വ്യാജകമ്പനികള്‍ പ്രവര്‍ത്തിക്കുന്നതായി രാധാകൃഷ്ണന് പറഞ്ഞിരുന്നു.
