തല്ലിക്കൊന്നത് തന്നെ : മധുവിന്റെ മരണകാരണം തലയിലെ ആന്തരികരക്തസ്രാവം
24 February 2018
അട്ടപ്പാടി : അട്ടപ്പാടിയില് ആദിവാസി യുവാവായ മധുവിനെ മര്ദ്ദിച്ചു കൊന്നതാണെന്ന വാദം ശരിവച്ച് പോസ്റ്റ്മോര്ട്ടം റിപ്പോര്ട്ട്. മരണകാരണം ആന്തരിക രക്തസ്രാവം മൂലമെന്ന് റിപ്പോര്ട്ട്. മര്ദ്ദനത്തില് വാരിയെല്ല്. മധുവിന്റെ നെഞ്ചിലും മര്ദ്ദനമേറ്റതായും റിപ്പോര്ട്ടിലുണ്ട്.
അതേസമയം മധുവിന്റെ മരണത്തിൽ പ്രതികൾക്കെതിരെ കൊലക്കുറ്റം ചുമത്തി കേസെടുക്കുമെന്ന് പോലീസ് പറഞ്ഞു. നേരത്തെ പോലീസ് അസ്വാഭാവിക മരണത്തിനാണ് കേസെടുത്തിരുന്നത്. സംഭവം പ്രത്യേകസംഘമാണ് അന്വേഷിക്കുന്നത്. തൃശൂർ റേഞ്ച് ഐജിയുടെ മേൽനോട്ടത്തിൽ എസ്പിയുടെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിക്കുന്നത്.