ട്രെയിനിൽ എയർ ഹോസ്റ്റസിനെ പീഡിപ്പിക്കാൻ ശ്രമം: എസ് ഐ അറസ്റ്റിൽ
നീലഗിരി എക്സ്പ്രസ് ട്രെയിനിൽ യാത്ര ചെയ്യുകയായിരുന്ന എയർ ഹോസ്റ്റസിനെ പീഡിപ്പിക്കാൻ ശ്രമിച്ച എസ് ഐ അറസ്റ്റിൽ. കോയമ്പത്തൂരിൽ ജോലി ചെയ്യുന്ന പാട്ന സ്വദേശിനിയായ എയർ ഹോസ്റ്റസിനെ പീഡിപ്പിക്കാൻ ശ്രമിച്ച ഉൗട്ടി സിബിസിഐഡി എസ്ഐ വിരുദുനഗർ ചന്ദ്രശേഖരനെയാണ് ഈറോഡ് റെയിൽവേ ഇൻസ്പെക്ടർ ചിന്നതങ്കം അറസ്റ്റ് ചെയ്തത്.
കഴിഞ്ഞ ദിവസം രാത്രി നീലഗിരി എക്സ്പ്രസിലായിരുന്നു പീഡനശ്രമം. ജോലി ആവശ്യത്തിനു ചെന്നൈയിൽ പോയി ഉൗട്ടിക്കു മടങ്ങുകയായിരുന്നു ചന്ദ്രശേഖരൻ. നാട്ടിൽനിന്നു മടങ്ങുകയായിരുന്നു എയർ ഹോസ്റ്റസും ഭർത്താവും. ചെന്നൈയിൽനിന്നു മേട്ടുപാളയത്തേക്കുള്ള ട്രെയിനിൽ എസി കോച്ചിലായിരുന്നു ഇവരുടെ യാത്ര.
ഭർത്താവ് മുകളിലെ ബർത്തിലും ഭാര്യ താഴെയുള്ള ബർത്തിലും ഉറങ്ങുന്നതിനിടെ ട്രെയിനിൽ സേലത്തിനു സമീപം എത്തിയപ്പോഴായിരുന്നു എസ്ഐയുടെ പീഡനശ്രമം. ഭർത്താവും യാത്രക്കാരും ചേർന്നാണ് എയർ ഹോസ്റ്റസിനെ രക്ഷിച്ചത്.
ട്രെയിൻ ഈറോഡിലെത്തിയപ്പോഴാണ് ദമ്പതികൾ റെയിൽവേ പോലീസിനു പരാതി നൽകിയത്. അറസ്റ്റിലായ എസ് .ഐയെ പിന്നീട് കോടതി റിമാന്റ് ചെയ്തു.
