മായാനദിയിലെ സ്ത്രീവിരുദ്ധത സൗകര്യപൂര്വം മറന്നുവെന്ന് ശബരീനാഥന് എംഎല്എ
ആഷിക്ക് അബു സംവിധാനം ചെയ്ത മായാനദിയിലെ സ്ത്രീവിരുദ്ധത എന്താണ് ആരും കാണാതെ പോയതെന്ന ചോദ്യവുമായി കെ. ശബരീനാഥന് എംഎല്എ. സിനിമയില് നായികയുടെ പെണ്സുഹൃത്തിനെ അവരുടെ സഹോദരന് മുഖത്ത് അടിക്കുന്ന രംഗമുണ്ട്.
എന്നിട്ട് കലിതുള്ളി ആക്രോശിക്കുമ്പോള് ഒന്നും ഉരിയാടാതെ ബാഗ് പാക്കുചെയ്തു വളരെ അച്ചടക്കത്തോടെ അടുത്ത ഫ്ലൈറ്റില് പെണ്സുഹൃത്ത് ഗള്ഫിലേക്ക് പോകുന്നു. ഇതു എന്താണ് ആരും കാണാതെ പോയതെന്നു എംഎല്എ ചോദിക്കുന്നു. കെ. ശബരീനാഥന് എംഎല്എയുടെ ഫെയ്സ്ബുക്ക് പോസ്റ്റിലാണ് ഇക്കാര്യം പറയുന്നത്.
ശബരീനാഥന്റെ ഫേസ്ബുക്ക് കുറിപ്പ് വായിക്കാം
ഇന്ന് ഏരീസില് പോയി മായാനദി കണ്ടു. നായികാ കഥാപാത്രത്തിനു വ്യക്തതയുണ്ട്, അതിനോടൊപ്പം ടോവിനോയുടെയും ഐശ്വര്യയുടെയും അഭിനയവും കൊള്ളാം. പക്ഷേ സിനിമയിലെ ഒരു സ്ത്രീവിരുദ്ധ രംഗത്തെക്കുറിച്ചു പറയാതെ വയ്യ.
നായികയുടെ പെണ്സുഹൃത്തിനെ അവരുടെ സഹോദരന് പറന്നുവന്ന് കരണത്ത് അടിച്ചുവീഴ്ത്തുമ്പോള്, കലിതുള്ളി ആക്രോശിക്കുമ്പോള് ഒന്നും ഉരിയാടാതെ ബാഗ് പാക്കുചെയ്തു വളരെ അച്ചടക്കത്തോടെ അടുത്ത ഫ്ലൈറ്റില് പെണ്സുഹൃത്ത് തന്റെ സ്വപ്നങ്ങള്ക്ക് വിടപറഞ്ഞു ഗള്ഫിലേക്ക് മടങ്ങുന്നു.
സ്ത്രീയെ അവമതിക്കുന്ന ചലച്ചിത്രരംഗങ്ങളെക്കുറിച്ചുള്ള ചര്ച്ചകളില് ഈ രംഗവും ഇടം പിടിക്കേണ്ടതല്ലേ ? പക്ഷേ നിര്ഭാഗ്യവശാല് നദിപോലെ ഒഴുകിയ ഓണ്ലൈന് റിവ്യൂകളിലും പ്രമുഖ മാസികകളിലെ നാല് പേജ് പുകഴ്ത്തലുകളിലും ഇതാരും പറഞ്ഞു കണ്ടില്ല!!!
സിനിമ ഓള്ഡ് ജനറേഷനായാലും ന്യൂ ജനറേഷനായാലും ലിംഗവിവേചനത്തിന്റെ മാനദണ്ഡങ്ങള് ഒരുപോലെയാകണം. അതില് നമ്മള് സൗകര്യപൂര്വം സെലെക്ടിവാകരുത്. നല്ല സിനിമയെ അത് പ്രതികൂലമായി ബാധിക്കും.