മുഖ്യമന്ത്രി പിണറായി വിജയൻ ആദ്യമായി ശബരിമല സന്ദർശനത്തിന് എത്തുന്നു
5 October 2017
മുഖ്യമന്ത്രി പിണറായി വിജയൻ ആദ്യമായി ശബരിമല സന്ദർശനത്തിന് എത്തുന്നു. കഴിഞ്ഞ മണ്ഡലകാല ഒരുക്കങ്ങളുടെ ഭാഗമായി അദ്ദേഹം പമ്പയിലെത്തി ദേവസ്വം ബോർഡ് അധികൃതരുമായി ചർച്ച നടത്തിയിരുന്നുവെങ്കിലും സന്നിധാനത്തേക്കു പോയിരുന്നില്ല.
ഇത്തവണ സംസ്ഥാന വിനോദ സഞ്ചാര വകുപ്പ് നിർമിക്കുന്ന പുണ്യദർശനം കോംപ്ലക്സിന്റെ ശിലാ സ്ഥാപനത്തിനായാണ് 17നു രാവിലെ മുഖ്യമന്ത്രി സന്നിധാനത്തെത്തുന്നത്.
4.99 കോടി രൂപ ചെലവിലാണു വിനോദസഞ്ചാര വകുപ്പ് ഇവിടെ കെട്ടിടം നിർമിക്കുന്നത്. 24 മുറികൾ ഉൾപ്പെടെയുള്ള സൗകര്യങ്ങൾ അടങ്ങുന്നതാണു പദ്ധതി.