ദിലീപിന്റെ ഷൂട്ടിംഗ് ലൊക്കേഷനില് പള്സര് സുനി എത്തിയെന്ന് പൊലീസ്; തെളിവായി സെല്ഫി
നടന് ദിലീപിന്റെ ലൊക്കേഷനില് പള്സര് സുനി എത്തിയിരുന്നതായി പൊലീസ്. ഇത് വ്യക്തമാക്കുന്ന ചിത്രങ്ങളും പുറത്തുവന്നു. തൃശൂരിലെ ബാനര്ജി ക്ലബ്ബില് വച്ച് ആരാധകര്ക്കൊപ്പം ദിലീപ് എടുത്ത സെല്ഫിയില് പള്സര് സുനിയുടെ മുഖവും വ്യക്തമായി കാണുന്നുണ്ട്. ജോര്ജേട്ടന്സ് പൂരം എന്ന സിനിമയുടെ ഷൂട്ടിങ് നടക്കുന്ന സമയത്തുളള ചിത്രങ്ങളാണ് ഇത്. നേരത്തെ ഇരുവരും ഒരേ ടവര് ലൊക്കേഷനില് എത്തിയതായി പൊലീസ് കണ്ടെത്തിയിരുന്നു. ഇതെ തുടര്ന്നുളള അന്വേഷണത്തിലാണ് ചിത്രങ്ങള് പൊലീസ് കണ്ടെടുക്കുന്നത്. 2016 നവംബര് മൂന്നിനാണ് ഇരുവരും ഒരേ ടവര് ലൊക്കേഷനിലുളളതായി അന്വേഷണത്തില് വ്യക്തമായത്.
പള്സര് സുനിയെ തനിക്ക് പരിചയമില്ലെന്നും ഓര്മ്മയില് പോലും ഇല്ലാത്തയാളാണെന്നും ദിലീപ് നേരത്തെ പറഞ്ഞിരുന്നു. ഇത്തരക്കാരുമായി താനൊരിക്കലും കൂട്ടുകൂടുകയില്ലെന്നും ദിലീപ് വ്യക്തമാക്കിയിരുന്നു. ജയിലില് നിന്നും ദിലീപിനെഴുതിയ കത്തില് സൗണ്ട് തോമ മുതല് ജോര്ജേട്ടന്സ് പൂരം വരെയുളള കാര്യങ്ങള് ആരോടും പറഞ്ഞിട്ടില്ലെന്ന് പള്സര് സുനി അറിയിച്ചിട്ടുണ്ടായിരുന്നു. ഇതും പൊലീസ് പരിശോധിക്കുകയാണ്.