സൂര്യാഘാതം; ജോലി സമയം പുന:ക്രമീകരിച്ച് ലേബര് കമ്മീഷണറുടെ ഉത്തരവ്
19 March 2017
തിരുവനന്തപുരം: വെയിലത്ത് പണിയെടുക്കുന്ന തൊഴിലാളികള്ക്ക് സൂര്യാഘാതം ഏല്ക്കുന്നത് ഒഴിവാക്കാന് ജോലി സമയം പുന:ക്രമീകരിച്ച് ലേബര് കമ്മീഷണര് ഉത്തരവിറക്കി. 1958 ലെ കേരള മിനിമം വേതന ചട്ടം 24(3) പ്രകാരമാണ് ഉത്തരവ്.
ഏപ്രില് 30 വരെ പകല് ഷിഫ്റ്റില് ജോലി ചെയ്യുന്നവര്ക്ക് ഉച്ചയ്ക്ക് പന്ത്രണ്ട് മുതല് മൂന്ന് വരെ വിശ്രമവേളയായിരിക്കും. ഇവരുടെ ജോലി സമയം രാവിലെ ഏഴ് മുതല് വൈകീട്ട് ഏഴ് വരെയുളള സമയത്തിനുളളില് എട്ട് മണിക്കൂറായി നിജപ്പെടുത്തി.
രാവിലെയും ഉച്ചയ്ക്ക് ശേഷവുമുളള ഷിഫ്റ്റുകളിലെ ജോലി സമയം യഥാക്രമം ഉച്ചയ്ക്ക് 12ന് അവസാനിക്കുകയും വൈകീട്ട് 3ന് ആരംഭിക്കുകയും ചെയ്യും.