കുറ്റ്യാടിയില് മലവെള്ളപ്പാച്ചില്: മൂന്ന് പേരുടെ മൃതദേഹം കണ്ടെത്തി
കുറ്റ്യാടി കടന്തറപ്പുഴയില് കുളിക്കാനിറങ്ങിയ മൂന്ന് യുവാക്കള് ഒഴുക്കില്പ്പെട്ട് മരിച്ചു. മൂന്ന്പേരെ കാണാതായി. ഇന്നുരാവിലെ കക്കുഴിയുള്ള കുന്നുമ്മല് ശശിയുടെ മകന് ഷൈന് ശശിയുടെ മൃതദേഹം കണ്ടെത്തിയിരുന്നു. മാവട്ടം ഭാഗത്തുനിന്നാണ് ഷൈനിന്റെ മൃതദേഹം കണ്ടെത്തിയത്.ഇന്നലെ രാത്രി വൈകി കോതോട് പാറക്കല് രാമകൃഷ്ണന്റെ മകന് രജീഷിന്റെ മൃതദേഹം കണ്ടെത്തിയിരുന്നു.
പുഴയില് കുളിക്കുകയായിരുന്ന രജീഷ് ഉള്പ്പടെ ആറ് പേര് വനത്തില് ഉരുള് പൊട്ടിയതിനെ തുടര്ന്നുണ്ടായ മലവെള്ളപ്പാച്ചിലില് പെട്ട് ഒഴുകിപ്പോകുകയായിരുന്നു.കോതോട് സ്വദേശികളായ പാറയുള്ളപറമ്പത്ത് രാജന്റെ മകന് വിഷ്ണു, കറ്റോടി ചന്ദ്രന്റെ മകന് അശ്വന്ത്, പാറയുള്ള പറമ്പത്ത് രാജീവന്റെ മകന് അക്ഷയ് രാജ്, കുട്ടിക്കുന്നുമ്മല് ദേവദാസിന്റെ മകന് വിപിന് ദാസ് എന്നിവരെയാണ് കാണാതായത്. കുട്ടിക്കുന്നുമ്മല് വിനീഷ്, പാറയുള്ള പറമ്പത്ത് അമല്, പാറയുള്ള പറമ്പത്ത് ജിഷ്ണു എന്നിവരാണ് രക്ഷപ്പെട്ടത്. കടന്തറപ്പുഴയുടെ ഭാഗത്ത് വൈകുന്നേരം ഓട്ടോയിലും ബൈക്കിലുമായിട്ടാണ് ഇവര് ഇന്നലെ കുളിക്കാനെത്തിയത്. നീന്തല് വശമില്ലാത്തതിനാല് ഇവര്ക്കൊപ്പമുണ്ടായിരുന്ന ഷിബിന് ദാസ് പുഴയില് ഇറങ്ങിയില്ല. ജിഷ്ണു, അമല് എന്നിവര് മറന്നുവച്ച മൊബൈല് ഫോണ് എടുക്കാന് നീങ്ങിയപ്പോഴാണ് മലവെള്ളപ്പാച്ചിലുണ്ടായത്.
പൂഴിത്തോട് മിനിജലവൈദ്യുത പദ്ധതിയുടെ പവര്ഹൗസിന് സമീപത്തായാണ് അപകടം. കോതോട് ഇവര് കുളിക്കാനിറങ്ങുന്പോള് പുഴയില് കുറഞ്ഞ വെള്ളമേ ഉണ്ടായിരുന്നുള്ളൂ. പൊടുന്നനെ ജലനിരപ്പ് ഉയരുകയായിരുന്നു