ഗോമൂത്രം കുടിച്ചാല് സുഖപ്രസവം,മൊബൈല് ഫോണില് ചാണകം തളിച്ചാല് റേഡിയേഷന് ഭയക്കേണ്ട: ആര്.എസ്.എസ് ഗോരക്ഷാ പ്രമുഖ്
ചാണകത്തിന് മൊബൈല് ഫോണില് നിന്നുള്ള റേഡിയേഷനെ തടഞ്ഞു നിര്ത്താനുള്ള കഴിവുണ്ടെന്ന് അഖില് ഭാരതീയ ഗോ സേവ പ്രമുഖ് നേതാവ് ശങ്കര് ലാല്. ആഗ്രയില് മാധ്യമങ്ങളോടു സംസാരിക്കവെയായിരുന്നു അദ്ദേഹത്തിന്റെ പ്രസ്താവന.
‘ പശു ഞങ്ങളുടെ മാതാവാണ്. അതിന്റെ വിസര്ജ്യങ്ങളായ ചാണകത്തിനും മൂത്രത്തിനും മനുഷ്യനെ ഏതു രോഗത്തില് നിന്നും സംരക്ഷിക്കാനുള്ള ശക്തിയുണ്ട്. ചാണകം കൊണ്ട് ക്യാന്സര് മാറ്റാന് കഴിയുമെങ്കില് എന്തുകൊണ്ട് സെല്ഫോണിന്റെ വികിരണങ്ങളില് നിന്നും സംരക്ഷിച്ചുകൂടാ?.’ അദ്ദേഹം ചോദിച്ചു’
ഗോ സേവ പ്രമുഖിലെ എല്ലാ അംഗങ്ങളും ഇതുപോലെ ചാണകം ഫോണിനു പിറകില് തേക്കാറുണ്ട്. അത് കുട്ടികളായാലും സ്ത്രീകളായാലും പുരുഷന്മാരായാലും ഇങ്ങനെ ചെയ്യാറുണ്ട്. കാരണം ചാണകത്തിന്റെ അതുല്യ കഴിവ് ഞങ്ങള്ക്കെല്ലാവര്ക്കുമറിയാമെന്നും അദ്ദേഹം മറ്റുള്ളവരുടെ ഫോണ് ഉയര്ത്തിക്കാട്ടികൊണ്ട് പറഞ്ഞു.
പ്രസവം നോര്മലാക്കുന്നതിനായി ഞങ്ങള് സ്ത്രീകളെകൊണ്ട് ചാണകം കഴിപ്പിക്കും. എന്നാല് ഇന്ത്യയിലെ പശുക്കളുടെ ചാണകം മാത്രമെ ഇതിനെല്ലാം ഉപയോഗിക്കാവു. പാശ്ചാത്യ പശുകളുടെ ചാണകം വിഷമാണ്- ശങ്കര് ലാല് കൂട്ടിച്ചേര്ത്തു.