മലബാര് സിമന്റ്സ് അഴിമതി: വിഎം രാധാകൃഷ്ണനും മകനുമടക്കം 11 പ്രതികള്
മലബാർ സിമന്റ്സ് അഴിമതിക്കേസിൽ വിജിലൻസ് കുറ്റപത്രം സമർപ്പിച്ചു. പാലക്കാട്ടെ വിവാദ വ്യവസായി വി.എം. രാധാകൃഷ്ണൻ മകനും ഉൾപ്പെടെ 11 പേരാണ് കേസിൽ പ്രതികൾ. ലാമിനേറ്റ് ചെയ്ത ബാഗുകൾ ഇറക്കുമതി ചെയ്തതുമായി ബന്ധപ്പെട്ട ക്രമക്കേടുകൾ സംബന്ധിച്ചുള്ള കേസിലാണ് വിജിലൻസ് അന്വേഷണ സംഘം തൃശൂർ വിജിലൻസ് കോടതിയിൽ കുറ്റപത്രം സമർപ്പിച്ചത്.
ചാക്ക് രാധാകൃഷ്ണന് ഉള്പ്പെടുന്ന മലബാര് സിമന്റ്സ് അഴിമതിക്കേസിന്റെ അന്വേഷണം പ്രഹനസനമാണെന്ന് ഹൈക്കോടതി നേരത്തെ വിമര്ശനം ഉന്നയിച്ചിരുന്നു. രാധാകൃഷ്ണന് മുന്നില് മുഖ്യമന്ത്രി ഉള്പ്പെടെയുള്ളവര് ഓച്ഛാനിച്ച് നില്ക്കുന്ന സാഹചര്യമാണുള്ളതെന്നും കേസ് സംബന്ധിച്ച് മാധ്യമങ്ങളില് വരുന്ന വാര്ത്തകള് ബന്ധപ്പെട്ടവരുടെ ശ്രദ്ധയില്പ്പെട്ടില്ലേയെന്നും കോടതി ചോദിച്ചിരുന്നു. കേസില് ആരോപണ വിധേയനായ വ്യവസായി രാധാകൃഷ്ണന് നിയമത്തിന് അതീനനാണോയെന്നും കോടതി ചോദിച്ചു. രാധാകൃഷ്ണെ സര്ക്കാര് സംരക്ഷിക്കുന്നുവെന്നും കോടതി കുറ്റപ്പെടുത്തിയിരുന്നു.