യുഡിഎഫ് മദ്യനയം പരാജയമായിരുന്നെന്നു സർക്കാർ
30 June 2016
യുഡിഎഫ് സർക്കാർ കൊണ്്ടുവന്ന മദ്യനയം പരാജയമായിരുന്നെന്നു സർക്കാർ. കഴിഞ്ഞ സർക്കാരിന്റെ മദ്യനയം പൂർണമായും പരാജയമായിരുന്നെന്നു എക്സൈസ് മന്ത്രി നിയമസഭയെ അറിയിച്ചു. മദ്യ നിരോധനം നിലവിൽ വന്നതിനുശേഷം സംസ്ഥാനത്ത് കഞ്ചാവിന്റെയും മയക്കുമരുന്നിന്റെയും ഉപഭോഗം വർധിച്ചു. യാഥാർഥ്യബോധം ഇല്ലാത്തതായിരുന്നു യുഡിഎഫ് സർക്കാരിന്റെ മദ്യനയം. ഈ മദ്യനയത്തിൽ സമഗ്രമാറ്റം വേണം. മദ്യവർജനത്തിലൂന്നിയ മദ്യനയമാണ് എൽഡിഎഫ് സർക്കാർ ലക്ഷ്യം വയ്ക്കുന്നതെന്നും എക്സൈസ് മന്ത്രി ടി.പി. രാമകൃഷ്ണൻ സഭയെ രേഖാമൂലം അറിയിച്ചു.
2013-ല് 793ഉം, 2014-ല് 970ഉം കഞ്ചാവ് കേസുകള് രജിസ്റ്റര് ചെയ്ത സ്ഥാനത്ത് 2015-ല് 1430 കേസുകളാണ് രജിസ്റ്റര് ചെയ്തതെന്ന് എക്സൈസ് മന്ത്രി പറഞ്ഞു..