ക്ഷേത്രങ്ങളില്‍ വെടിക്കെട്ട് നിരോധിക്കേണ്ട ആവശ്യമില്ലെന്ന് കുമ്മനം രാജശേഖരന്‍
12 April 2016
ക്ഷേത്രങ്ങളില്‍ വെടിക്കെട്ട് നിരോധിക്കേണ്ട ആവശ്യമില്ലെന്ന് ബിജെപി അധ്യക്ഷന്‍ കുമ്മനം രാജശേഖരന്‍. ക്ഷേത്രത്തില്‍ നടന്നുവരുന്ന വെടിക്കെട്ടിനെ വിവാദമാക്കി രാഷ്ട്രീയ മുതലെടുപ്പ് നടത്താന്‍ ചിലര്‍ ശ്രമിക്കുകയാണെന്നും അദ്ദേഹം കുറ്റപ്പെടുത്തി.
ക്ഷേത്രങ്ങളിലെ വെടിക്കെട്ട് നിരോധിക്കേണ്ട ആവശ്യമില്ല. നിരോധനം ഏര്‍പ്പെടുത്തുന്നത് ഈ പ്രശ്‌നത്തിന് പരിഹാരമാകില്ല. നാട്ടിലൊരു ദുരന്തമുണ്ടായാല്‍ അതിനിടയാക്കിയ സാഹചര്യങ്ങളെക്കുറിച്ച് പഠിച്ചു മനസിലാക്കി ഇനി ഇത്തരം സാഹചര്യങ്ങള്‍ ആവര്‍ത്തിക്കാതിരിക്കാനുള്ള നടപടികളാണ് എടുക്കേണ്‌ടെതെന്നും കുമ്മനം പറഞ്ഞു.
