സോഷ്യൽ മീഡിയ സാമൂഹ്യ പ്രതിബന്ധങ്ങളെ കുറയ്ക്കാൻ സഹായിക്കുന്നതായി പ്രധാനമന്ത്രി
27 September 2015
സോഷ്യൽ മീഡിയ സാമൂഹ്യ പ്രതിബന്ധങ്ങളെ കുറയ്ക്കാൻ സഹായിക്കുന്നതായി പ്രധാനമന്ത്രി നരേന്ദ്ര മോദി. സാങ്കേതിക വിദ്യയുടെ വളർച്ച ജനകീയ പ്രശ്നങ്ങളോട് വേഗത്തിൽ പ്രതികരിയ്ക്കാൻ ഭരണകൂടങ്ങളെ നിർബന്ധിതമാക്കുന്നതായും നരേന്ദ്ര മോദി പറഞ്ഞു. കാലിഫോർണിയയിലെ സാൻ ജോസിൽ വിവിധ കമ്പനി മേധാവികളുമായുള്ള കൂടിക്കാഴ്ചയിൽ സംസാരിക്കുകയായിരുന്നു അദ്ദേഹം .
മൈക്രോസോഫ്റ്റ് സി.ഇ.ഒ സത്യ നദെല്ല, ഗൂഗിൾ സി.ഇ.ഒ സുന്ദർ പിച്ചൈ, അഡോബ് സി.ഇ.ഒ ശന്തനു നാരായൺ തുടങ്ങിയവർ പരിപാടിയിൽ പങ്കെടുത്തു. സിസ്കോ, ക്വാൽകം കമ്പനി മേധാവികളുമായും മോദി ചർച്ച നടത്തി. അതേസമയം കാലിഫോർണിയയിലെ പ്രവാസി ഇന്ത്യക്കാരുമായും മോദി കൂടിക്കാഴ്ച നടത്തി.