ഹെൽമറ്റ് പരിശോധനയ്ക്കിടെ മോട്ടോർ വെഹിക്കിൾ ഇൻസ്പെക്ടർ പത്ത് വയസുകാരിയെ മർദ്ദിച്ചതായി പരാതി
23 September 2015
ഹെൽമറ്റ് പരിശോധനയ്ക്കിടെ മോട്ടോർ വെഹിക്കിൾ ഇൻസ്പെക്ടർ പത്ത് വയസുകാരിയെ മർദ്ദിച്ചതായി പരാതി. രാവിലെ കൊല്ലം – ചെങ്കോട്ട ദേശീയപാതയിൽ കരിക്കോടാണ് സംഭവം . കരിക്കോട് സ്വദേശി ലത്തീഫിന്റെ മകൾ അലീഷയ്ക്കാണ് പൊലീസിൽ നിന്ന് മർദ്ദനമേറ്റത്.
ലത്തീഫ് ബൈക്കിൽ വരുന്നതിനിടെ വെഹിക്കൾ ഇൻസ്പെക്ടർ വാഹനം നിറുത്താൻ കൈകാണിച്ചു. എന്നാൽ, അൽപം മുന്നോട്ട് മാറ്റിയാണ് ലത്തീഫ് ബൈക്ക് നിറുത്തിയത്. അതിനിടെ പിൻസീറ്റിലിരുന്ന അലീഷയുടെ ശരീരത്തിൽ വെഹിക്കിൾ ഇൻസ്പെക്ടർ അടിക്കുകയായിരുന്നു. സംഭവം കണ്ട നാട്ടുകാർ ഇൻസ്‌പെക്ടറെ തടഞ്ഞുവച്ച ശേഷം റോഡ് ഉപരോധിച്ചു.
