നടി പല്ലവി ജോഷി എഫ്.ടി.ഐ.ഐ സൊസൈറ്റിയിൽ നിന്നും രാജിവച്ചു

നടി പല്ലവി ജോഷി എഫ്.ടി.ഐ.ഐ സൊസൈറ്റിയിൽ നിന്നും രാജിവച്ചു. തനിക്ക് എഫ്.ടി.ഐ.ഐയുടെ ഭാഗമായി തുടരാൻ താൽപര്യമില്ലെന്ന് വ്യക്തമാക്കി പല്ലവി വാർത്താ വിതരണ പ്രക്ഷേപണ മന്ത്രാലയ സെക്രട്ടറിക്ക് കത്തയച്ചു.ഗജേന്ദ്ര ചൗഹാനെ ചെയർമാനാക്കിയതിൽ തനിക്ക് പ്രശ്നമില്ലെന്നും എന്നാൽ ഇപ്പോഴത്തെ സാഹചര്യത്തിൽ ആ അന്തരീക്ഷത്തിൽ നിന്നും തനിക്ക് മാറി നിൽക്കണമെന്നും പല്ലവി ഒരു ഇംഗ്ലീഷ് മാദ്ധ്യമത്തോട് പറഞ്ഞു.  ഫിലിം ആന്റ് ടെലിവിഷൻ ഇൻസ്റ്റിറ്റ്യൂട്ട് ഒഫ് ഇന്ത്യയുടെ  ചെയർമാനായി ഗജേന്ദ്ര ചൗഹാനെ നിയമിച്ചതിനെ തുടർന്ന് പ്രതിഷേധം തുടരവേ ആണ് പല്ലവി ജോഷിയുടെ രാജി ഉണ്ടായിരിക്കുന്നത്.