ശബരീനാഥന് അവസരം നല്കിയതിലൂടെ അരുവിക്കര ആറാമത്തെ വട്ടവും കാര്ത്തികേയനെ വിജയിപ്പിച്ചു-സുലേഖ ടീച്ചർ
അരുവിക്കര: ശബരീനാഥന് അവസരം നല്കിയതിലൂടെ അരുവിക്കര ആറാമത്തെ വട്ടവും കാര്ത്തികേയനെ വിജയിപ്പിച്ചുവെന്ന് സുലേഖ ടീച്ചർ. കാര്ത്തികേയന്റെ ആത്മാവിനെ വേദനിപ്പിച്ച ആരോപണങ്ങള്ക്ക് ജനങ്ങള് നല്കിയ മറുപടിയാണ് ഈ വിജയമെന്നും അവര് പറഞ്ഞു.
കാര്ത്തികേയന് മരിച്ചയുടന് അരുവിക്കരയിലെ വികസന പ്രവര്ത്തനങ്ങള്കൊണ്ട് നിറഞ്ഞ മാധ്യമങ്ങള് മൂന്നു മാസത്തിന് ശേഷം ഇവിടെ വികസനമില്ലെന്ന് ചര്ച്ച ചെയ്യുന്നത് കാണേണ്ടി വന്നു. അരുവിക്കര മണ്ഡലത്തിലെ ഏറ്റവും നല്ല റോഡുകള് മറച്ചു വെച്ച് മോശമായ രണ്ടോ മൂന്നോ റോഡുകളെ ഉയര്ത്തിക്കാണിച്ചായിരുന്നു പ്രതിപക്ഷ പ്രചാരണം.
ആരോപണത്തെ വെറും ആരോപണമായി കണ്ട ജനങ്ങള് കണ്ണില് കണ്ട സത്യത്തെ അംഗീകരിച്ചുവെന്നും അതിനുള്ള മറുപടിയായിരുന്നു തിരഞ്ഞെടുപ്പ് ഫലമെന്നും സുലേഖ പറഞ്ഞു.
വികസന കാര്യങ്ങളില് എന്ത് ചെയ്യണമെന്ന് ശബരീനാഥന് താന് പറഞ്ഞു കൊടുക്കേണ്ടതില്ലെന്നും അവര് പറഞ്ഞു.