തെക്കന്‍ സംസ്ഥാനങ്ങളില്‍ ബിജെപിയെ ഒന്നാമത് എത്തിക്കുക എന്നതാണ് തങ്ങളുടെ ലക്ഷ്യം- സദാനന്ദ ഗൗഡ
ബിജെപിയെ കേരളം ഉള്‍പ്പെടെയുള്ള തെക്കന്‍ സംസ്ഥാനങ്ങളില്‍ ഒന്നാമത് എത്തിക്കുകയാണ് തങ്ങളുടെ ലക്ഷ്യമെന്ന് കേന്ദ്ര നിയമമന്ത്രി സദാനന്ദ ഗൗഡ. ഇവിടെങ്ങളില്‍ അംഗത്വ വിതരണത്തില്‍ വന്‍ മുന്നേറ്റമാണ് കാണാന്‍ കഴിഞ്ഞത്. നിര്‍വാഹകസമിതി യോഗത്തില്‍ ഈ വിഷയത്തില്‍ കൂടുതല്‍ ചര്‍ച്ചയും തീരുമാനവും ഉണ്ടാകുമെന്നും അദ്ദേഹം പറാഞ്ഞു.
ഭൂമി ഏറ്റെടുക്കല്‍ നിയമത്തിനെതിരെ പ്രതിപക്ഷം ഒന്നടങ്കം കേന്ദ്ര സര്‍ക്കാറിനെതിരെ സമരം പ്രഖ്യാപിച്ച സാഹചര്യത്തില്‍ സര്‍ക്കാറിനെ പ്രതിരോധിക്കാനാവശ്യമായ പ്രചാരണപരിപാടികളാണ് ദേശീയ നിര്‍വാഹക സമിതി പ്രധാനമായും ചര്‍ച്ച ചെയ്യുന്നത്. പ്രതിപക്ഷം നടത്തുന്ന പ്രതിഷേധങ്ങളെ എങ്ങനെ ഫലപ്രധമായി നേരിടാം. സര്‍ക്കാര്‍ നടത്തുന്ന പ്രവര്‍ത്തനങ്ങള്‍ എങ്ങനെ ജനങ്ങളിലേക്ക് വേഗത്തില്‍ എത്തിക്കാം. ഭൂമി ഏറ്റെടുക്കല്‍ നിയമത്തിനെതിരെ പ്രതിപക്ഷം നടത്തുന്ന പ്രതിഷേധ സമരങ്ങളെ എങ്ങനെ കൈകാര്യം ചെയ്യാം എന്ന കാര്യവുമായിരിക്കും പ്രധാമായും ചര്‍ച്ച ചെയ്യുക.
