വീടുകള്‍ ബാറാകുന്ന അവസ്ഥയിൽ പെണ്‍കുട്ടികളുടെ സുരക്ഷയിൽ ആശങ്ക- നടന്‍ സുരേഷ്‌ഗോപി
3 April 2015
കോഴിക്കോട്: വീടുകള്‍ ബാറാകുന്ന അവസ്ഥയിൽ പെണ്‍കുട്ടികളുടെ സുരക്ഷയിൽ ആശങ്കപ്പെട്ട് നടന്‍ സുരേഷ്‌ഗോപി. സംസ്ഥാനത്തെ ബാറുകള്‍ പൂട്ടിയതോടെ വീടുകള്‍ ബാറാകുന്ന അവസ്ഥയാണുള്ളത്. ഈ അവസ്ഥയില്‍ അച്ഛന്‍മാരോടൊപ്പം പല മാമന്‍മാരും വീട്ടിലെത്തി മദ്യപാനം തുടങ്ങും. ഇത് വീട്ടിലെ പെണ്‍കുട്ടികളുടെ സുരക്ഷയെ എത്രമാത്രം ബാധിക്കുമെന്ന് ആഭ്യന്തരവകുപ്പ് സര്‍വേ നടത്തണമെന്ന് സുരേഷ് ഗോപി പറഞ്ഞു.
എന്നാല്‍ താന്‍ സര്‍ക്കാരിന്റെ മദ്യനയത്തിന് എതിരല്ലെന്നും സുരേഷ്‌ഗോപി കൂട്ടിച്ചേര്‍ത്തു. സേവാ ഭാരതി ബാലികാസദനത്തിന്റെ പുതിയ മന്ദിരം കോഴിക്കോട് ചെറുവറ്റയില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
