അമേരിക്കന് പരീക്ഷണശാലയില് നിന്നും മാരകമായ ബാക്ടീരിയ പുറത്തായി.
അമേരിക്കന് പരീക്ഷണശാലയില് നിന്നും മാരകമായ ബാക്ടീരിയ പുറത്തായി.ടുലെയ്ന് നാഷണല് പ്രൈമേറ്റ് റിസര്ച്ച് സെന്ററില് നിന്നാണ് ബാക്ടീരിയ മോചിപ്പിക്കപ്പെട്ടതായി അമേരിക്കന് പത്രമായ യുഎസ് ടുഡേയാണ് റിപ്പോര്ട്ട് ചെയ്തത്. തെക്കു കിഴക്കന് ഏഷ്യയിലും വടക്കന് ഓസ്ട്രേലിയയിലുമാണ് ഈ ബാക്ടീരിയ കാണപ്പെടുക. മണ്ണിലും വെള്ളത്തിലും വസിക്കുന്ന ഇവ നേരിട്ടു മനുഷ്യരിലേക്കും മൃഗങ്ങളിലേക്കും പകരും. ഈ ബാക്ടീരിയയ്ക്ക് എതിരായ വാക്സിന് നിര്മിക്കുന്നതിനുള്ള പരീക്ഷണത്തിലായിരുന്നു ടുലേന് അധികൃതര് ഏര്പ്പെട്ടിരുന്നത്. അതിനിടയിലാണ് ബാക്ടീരിയ ചോര്ന്നത്.
ലാബിന് പുറത്തെ കൂട്ടിലടച്ചിരുന്ന നാല് കുരങ്ങുകള്ക്ക് രോഗബാധയുണ്ടായി. ഇതില് രണ്ടെണ്ണത്തിനെ ദയാവധത്തിനിരയാക്കിയെന്നും യുഎസ് ടുഡേ റിപ്പോര്ട്ട് ചെയ്യുന്നു.ലോകത്തിനു ഭീഷണിയായ ബാക്ടീരിയ എങ്ങനെ പുറത്തുപോയി എന്നതിനെ കാരണം ഇപ്പോഴും കണ്ടെത്താനായിട്ടില്ല.