വിഎസ് സമ്മേളന വേദിയിലേക്ക് മടങ്ങിയെത്തില്ല
വി.എസ് അച്യുതാനന്ദൻ ഇനി തിരിച്ച് സമ്മേളന വേദിയിലേക്ക് മടങ്ങിയെത്തില്ല. വാര്ത്താ കുറിപ്പിലാണ് അദ്ദേഹം ഇക്കാര്യം വ്യക്തമാക്കിയത്. അതേസമയം, സംസ്ഥാന റിപ്പോര്ട്ടിലെ ചില പരാമര്ശങ്ങള് ഒഴിവാക്കിയത് അത്രത്തോളം നല്ലതെന്നും വാര്ത്താകുറിപ്പില് പറയുന്നു.
തനിക്കെതിരായ മറ്റ് പരാമർശങ്ങളും ഒഴിവാക്കുമെന്നാണു പ്രതീക്ഷയെന്ന് വാർത്താ കുറിപ്പിൽ പറയുന്നു.പാർട്ടി വിരുദ്ധൻ എന്ന് എന്ന് പ്രമേയം നിലനിൽക്കുന്ന സാഹചര്യത്തിൽ പാർട്ടി സമ്മേളനത്തിൽ പങ്കെടുക്കുന്നത് ശരിയല്ലെന്നും വി.എസ് വ്യക്തമാക്കി
സംസ്ഥാന സമിതിയിലേക്കുള്ള പട്ടികയില് വിഎസ് അച്യുതാനന്ദന്റെ പേര് ഉള്പ്പെടുത്തിയില്ല.പാര്ട്ടി രൂപികരിക്കപ്പെട്ടതിന് ശേഷം ഇതാദ്യമായാണ് വി എസ് അച്യുതാനന്ദന് പാര്ട്ടി സംസ്ഥാന കമ്മിറ്റിയില് നിന്ന് ഒഴിവാക്കപ്പെടുന്നത്.
വാര്ത്താക്കുറിപ്പിന്റെ പൂര്ണ്ണരൂപം
[quote arrow=”yes”]
സിപിഎം സംസ്ഥാന സമ്മേളന പ്രവര്ത്തന റിപ്പോര്ട്ടില് എനിക്കെതിരെ ചേര്ത്തിരുന്ന വാസ്തവിരുദ്ധമായ പരാമര്ശങ്ങളില് ചിലത് ഒഴിവാക്കിയതായി താന് മനസ്സിലാക്കുന്നു. അത്രത്തോളം നല്ലത്. പി.ബി പരിശോധനയ്ക്ക് ശേഷം ബാക്കി ഭാഗങ്ങളും ഒഴിവാക്കപ്പെടുമെന്ന് ഞാന് ആശിക്കുന്നു.
അതേപോലെ ടിപി ചന്ദ്രശേഖരന് വധക്കേസില് കുറ്റക്കാരാണെന്ന് കോടതി കണ്ടെത്തിയ മൂന്ന് പാര്ട്ടി മെമ്പര്മാരെ ജീവപര്യന്തം തടവിന് ശിക്ഷിച്ചിരുന്നു. ഇവര്ക്കെതിരെ നടപടിവേണമെന്ന് ഞാന് നിരന്തരം ആവശ്യപ്പെട്ടിരുന്നതാണ്. കേന്ദ്രനേതൃത്വത്തിന്റെ ഇടപെടല് മൂലം ഇതില് ഒരാള്ക്കെതിരെ പാര്ട്ടി നടപടിയെടുത്തു. മറ്റ് രണ്ടുപേര്ക്കെതിരെ നടപടിയെടുത്തില്ല എന്നു മാത്രമല്ല, അവരെ പാര്ട്ടി കമ്മിറ്റികളില് നേതാക്കന്മാരായി അവരോധിച്ചിരിക്കുയാണ്. ഇവരെ പാര്ട്ടിയില് നിന്ന് പുറത്താക്കുകയും പാര്ട്ടിക്കുണ്ടായ ദുഷ്പ്പേര് ഇല്ലാതാക്കുകയും ചെയ്യണമെന്നും ഞാന് ആവശ്യപ്പെട്ടിട്ടുണ്ട്.
ഞാന് പാര്ട്ടിവിരുദ്ധനാണ് എന്ന സംസ്ഥാന സെക്രട്ടറിയേറ്റിന്റെ ഒരു പ്രമേയം നിലനില്ക്കുന്നു. ഈ സാഹചര്യത്തില് പാര്ട്ടി സംസ്ഥാന സമ്മേളനത്തില് ഞാന് പങ്കെടുക്കുന്നത് ശരിയല്ല എന്ന ബോദ്ധ്യംകൊണ്ടാണ് ഞാന് സമ്മേളനത്തില് നിന്ന് വിട്ടുനിന്നത്. ആ സാഹചര്യം ഇപ്പോഴും നിലനില്ക്കുന്നു. മേല്പ്പറഞ്ഞ കാരണങ്ങളാല് എനിക്ക് ഇന്നത്തെ സമ്മേളനത്തില് പങ്കെടുക്കാന് കഴിയാതെവന്നിരിക്കുകയാണ്. എന്റെ ഈ നിസ്സഹായതാവസ്ഥ ജനറല് സെക്രട്ടറിയെ ഇന്നും രേഖാമൂലം അറിയിച്ചിട്ടുണ്ട്.
[/quote]