തിരഞ്ഞെടുപ്പു പ്രചാരണത്തിനിടെ കിരണ് ബേദി പൊട്ടിക്കരഞ്ഞു
ഡൽഹി തിരഞ്ഞെടുപ്പു പ്രചാരണത്തിനിടെ ബി ജെ പിയുടെ മുഖ്യമന്ത്രി സ്ഥാനാര്ത്ഥി കിരണ് ബേദി പൊട്ടിക്കരഞ്ഞു. പ്രചാരണം അടുത്ത ദിവസം അവസാനിക്കുന്നതിന് മുന്നോടിയായി നടന്ന റോഡ് ഷോയ്ക്ക് കിരണ് ബേദി മത്സരിക്കുന്ന കൃഷ്ണ നഗറില് എത്തിയപ്പോഴാണ് നാടകീയ രംഗങ്ങൾ അരങ്ങേറിയത്. ഈ മാസം ഏഴിനാണ് ഡല്ഹിയില് നിയമസഭാ തെരഞ്ഞെടുപ്പ്.
‘തനിക്ക് ജനങ്ങളില് നിന്ന് വളരെ നല്ല സ്നേഹമാണ് ലഭിക്കുന്നത്. തനിക്കു ലഭിക്കുന്ന സ്നേഹത്തിന് നന്ദി പറയാന് വാക്കുകളില്ലെന്നും കിരണ് ബേദി പറഞ്ഞു. റോഡ്ഷോ നീങ്ങിക്കൊണ്ടിരിക്കെ ആളുകള് ഫ്ലാസ്കില് ചായ നിറച്ച് ബേദിക്ക് നല്കി. അളുകളുടെ ഈ സ്നേഹമാണ് ബേദിയെ കരയിപ്പിച്ചതെന്ന് പറയപ്പെടുന്നു. തനിക്ക് ലഭിച്ച ഈ സ്നേഹം താന് തിരിച്ചു നല്കും. ബി ജെ പി സര്ക്കാരിനെ അധികാരത്തിലേറ്റുകയാണെങ്കില് ഈ സ്നേഹത്തിനുള്ള മറുപടി സര്ക്കാര് നല്കുമെന്നും അവര് പറഞ്ഞു.