കിരണ്‍ ബേദിയുടെ പ്രചാരണ ചുമതല വഹിച്ചിരുന്ന നരേന്ദ്ര ടണ്ഠന് പാർട്ടി വിട്ടു
2 February 2015
ന്യൂഡല്‍ഹി: ഡൽഹിയിലെ ബിജെപിയുടെ പാര്‍ട്ടി സംസ്‌ഥാന നിര്‍വാഹക സമിതിയംഗം നരേന്ദ്ര ടണ്ഠന് പാര്‍ട്ടി വിട്ടു. മുഖ്യമന്ത്രി സ്‌ഥാനാര്‍ഥി കിരണ്‍ ബേദിയുടെ പ്രചാരണ ചുമതല ഇദ്ദേഹത്തിനായിരുന്നു. ബേദിയുടെ ഏകാധിപത്യപരമായ സമീപനത്തെ എതിര്‍ത്താണ്‌ രാജിയെന്നാണ്‌ സൂചന. ബേദിയുടെ സഹായികള്‍ തന്നെ അപമാനിച്ചുവെന്നും ടണ്ഠന് പാര്‍ട്ടി അധ്യക്ഷന്‍ അമിതഷായ്ക്ക് കത്ത് നല്‍കിയതായും സൂചനയുണ്ട്. ബേദിയുടെ വരവില്‍ ബിജെപിയിലെ പ്രമുഖ വിഭാഗം കടുത്ത അതൃപ്‌തിയിലാണെന്ന വാര്‍ത്തയ്‌ക്കു പിന്നാലെയാണ്‌ രാജി എന്നതും ശ്രദ്ധേയമാണ്‌.
