ദേശീയ ഗെയിംസ് നടത്തിപ്പിൽ യാതൊരു ക്രമക്കേടും നടന്നിട്ടില്ലെന്ന് മന്ത്രി തിരുവഞ്ചൂർ രാധാകൃഷ്ണൻ

ദേശീയ ഗെയിംസ് നടത്തിപ്പിൽ യാതൊരു ക്രമക്കേടും നടന്നിട്ടില്ലെന്ന് മന്ത്രി തിരുവഞ്ചൂർ രാധാകൃഷ്ണൻ. ദേശീയ ഗെയിംസിനായുള്ള നിർമാണ പ്രവർത്തനങ്ങളില്‍ സുതാര്യത ഉറപ്പു വരുത്തിയാണ് സർക്കാർ മുന്നോട്ട് പോകുന്നത്.
നിർമാണ പ്രവർത്തനങ്ങളും കായികതാരങ്ങൾക്ക് വേണ്ട ഉപകരണങ്ങളും ഉടൻ തന്നെ കേരളത്തിലെത്തും. ഗെയിംസിന്റെ പ്രചരണാർത്ഥമുള്ള റൺ കേരള റൺപരിപാടിയ്ക്ക് എല്ലാവരുടേയും സഹകരണം ആവശ്യമാണെന്നും തിരുവഞ്ചൂർ രാധാകൃഷ്ണൻ പറഞ്ഞു.

എന്നാൽ കോമൺവെൽത്ത് ഗെയിംസുമായി ദേശീയ ഗെയിംസിനെ താരതമ്യം ചെയ്യുരുതെന്നും നിർമ്മാണ പ്രവർത്തനങ്ങൾ വിലയിരുത്താൻ ഒന്നിലധികം കമ്മിറ്റികളുണ്ടെന്നും അദ്ദേഹം വ്യക്തമാക്കി.
കോമൺവെൽത്ത് ഗെയിംസിന്റെ ചെലവ് 5393 കോടി രൂപയാണ്. ദേശീയ ഗെയിംസ് നടത്തിപ്പിന്റെ ചെലവ് 611 കോടി മാത്രമാണ്. അതിനാല്‍ കോമൺവെൽത്ത് ഗെയിംസുമായി ദേശീയ ഗെയിംസിനെ താരതമ്യം ചെയ്യുന്നത് മോശമാണെന്നും തിരുവഞ്ചൂർ പറഞ്ഞു.