മണ്ഡലകാലത്തിന് പരിസമാപ്‍തി കുറിച്ച് ശബരിമല നടയടച്ചു
28 December 2014
മണ്ഡലകാലത്തിന് പരിസമാപ്‍തി കുറിച്ച് ശബരിമല നടയടച്ചു. തങ്കഅങ്കി ഘോഷയാത്ര എത്തിച്ചേര്‍ന്നതോടെ ആഘോഷങ്ങള്‍ പാരമ്യതയിലെത്തി. തുടര്‍ന്ന്, ഇന്നലെ ഉച്ചക്ക്‌ മണ്ഡലപൂജ. കി‍ഴക്കേ മണ്ഡപത്തില്‍ തന്ത്രി കണ്‍ഠരര് രാജീവരുടെ നേതൃത്വത്തില്‍ കളഭവും 25 കലശവും പൂജിച്ചു.
ബ്രഹ്മകലശത്തില്‍ കളഭം നിറച്ച് നീരാഞ്ജനം ഉ‍ഴിഞ്ഞ ശേഷം കലശം മേല്‍ശാന്തി കൃഷ്‍ണദാസ് നമ്പൂതിരി ഏറ്റുവാങ്ങി അയ്യപ്പന് അഭിഷേകം ചെയ്തു. തുടര്‍ന്ന് നിവേദ്യത്തിനു ശേഷം പ്രസന്ന പൂജക്കായി നടയടച്ചു. ഈ സമയം അയ്യപ്പ വിഗ്രഹത്തില്‍ തങ്കഅങ്കി ചാര്‍ത്തി മംഗളാരതി ഉ‍ഴിഞ്ഞു. ഇതോടെയാണ് മണ്ഡലപൂജയുടെ ചടങ്ങുകള്‍ അവസാനിച്ചത്.മകരവിളക്ക്‌ ഉ‍ത്സവത്തിനായി ചൊവ്വാ‍ഴ്ച വൈകീട്ട് അഞ്ചരക്ക്‌ നട തുറക്കും.
