മൈക്രോസോഫ്‍റ്റ് സി.ഇ.ഒ സത്യ നദല്ല പ്രധാനമന്ത്രി നരേന്ദ്രമോദിയുമായി കൂടിക്കാ‍ഴ്‍ച നടത്തി
27 December 2014
മൈക്രോസോഫ്‍റ്റ് സി.ഇ.ഒ സത്യ നദല്ല പ്രധാനമന്ത്രി നരേന്ദ്രമോദിയുമായി കൂടിക്കാ‍ഴ്‍ച നടത്തി. ഇന്ത്യാ സന്ദര്‍ശനത്തിനെത്തിയ നദല്ല ‘ഡിജിറ്റല്‍ ഇന്ത്യാ’ പദ്ധതിയെ കുറിച്ച് പ്രധാനമന്ത്രിയുമായി ചര്‍ച്ച നടത്തി .
വാര്‍ത്താവിതരണമന്ത്രി രവി ശങ്കര്‍ പ്രസാദുമായും മൈക്രോസോഫ്‍റ്റ് തലവന്‍ സത്യ നദ കൂടിക്കാ‍ഴ്‍ച നടത്തി. ഡിജിറ്റല്‍ ഇന്ത്യ, മെയ്‍ക്ക്‌ ഇന്‍ ഇന്ത്യ പദ്ധതികളെ കുറിച്ചാണ് പ്രധാനമായും ചര്‍ച്ച ചെയ്‍തത്. രാജ്യത്ത് ഡിജിറ്റല്‍ വിദ്യാഭ്യാസം മെച്ചപ്പെടുത്താന്‍ മൈക്രോസോഫ്‍റ്റിന്റെ ഇടപെടലിലൂടെ സാധിക്കുമെന്ന് മന്ത്രി പ്രതീക്ഷ പ്രകടിപ്പിച്ചു.
സാങ്കേതിക വിദ്യയുടെ സഹായത്തോടെ ഇന്ത്യന്‍ സമൂഹത്തില്‍ ഗുണകരമായ മാറ്റങ്ങള്‍ കൊണ്ടുവരാന്‍ സാധിക്കുമെന്ന് കൂടിക്കാ‍ഴ്ചക്ക്‌ ശേഷം നദല്ല ആത്മവിശ്വാസം പ്രകടിപ്പിച്ചു.
