ഇന്ത്യ-ഓസ്ട്രേലിയ ബോക്സിങ് ഡേ ടെസ്റ്റിന് ഇന്ന് തുടക്കം
26 December 2014
ഇന്ത്യ-ഓസ്ട്രേലിയ ബോക്സിങ് ഡേ ടെസ്റ്റിന് ഇന്ന് തുടക്കം. പരമ്പരയില്‍ 2-0ന് പിന്നിലായ ഇന്ത്യക്ക്‌ ഇന്ന് തുടങ്ങുന്ന മ‍ത്സരം നിര്‍ണായകമാണ്. രണ്ടാം ടെസ്റ്റ് കളിച്ച ടീമില്‍ ഇന്ത്യ മാറ്റം വരുത്തിയേക്കും. ഫോമിലല്ലാത്ത മധ്യനിരയാണ് ടീം ഇന്ത്യയുടെ പ്രധാന വെല്ലുവിളി.
മൂന്നാം ടെസ്റ്റില്‍ ഈ പ്രശ്നങ്ങളൊക്കെ പരിഹരിക്കാനാകും ടീമിന്റെ ശ്രമം.പരിക്കേറ്റ മിച്ചല്‍ മാര്‍ഷ് ഓസീസ് നിരയിലുണ്ടാകില്ല. മാര്‍ഷിന് പകരം ജോ ബേണ്‍സ് കളിക്കും. അതേസമയം വിരാട് കോഹ്ലിയും ശിഖര്‍ ധവാനും തമ്മില്‍ ഡ്രസിങ് റൂമില്‍ കയ്യാങ്കളിയുണ്ടായെന്ന വാര്‍ത്ത ക്യാപ്റ്റന്‍ ധോണി നിഷേധിച്ചു.
