മൂന്നാം ഘട്ടം വോട്ടെടുപ്പ്: ജമ്മുകാശ്മീരിൽ 58 ശതമാനം വോട്ട് രേഖപ്പെടുത്തി
9 December 2014
കടുത്ത തണുപ്പ് അവഗണിച്ച് ജമ്മുകാശ്മീരിൽ വോട്ടർമാർ മൂന്നാം ഘട്ടം വോട്ടെടുപ്പ് നടന്ന ഇന്ന് 58 ശതമാനം വോട്ട് രേഖപ്പെടുത്തി .രാവിലെ എട്ടുമണി മുതൽ തന്നെ വോട്ടർമാരുടെ നീണ്ട നിര കാണപ്പെട്ടു . ഗുൽമാർഗ് മണ്ഡലത്തിൽ അജ്ഞാതനായ അക്രമി പെട്രോൾ ബോംബ് വലിച്ചെറിഞ്ഞ സംഭവമല്ലാതെ മറ്റിടങ്ങളിലൊന്നും അനിഷ്ടസംഭവങ്ങൾ റിപ്പോർട്ട് ചെയ്തിട്ടില്ല. വോട്ടെടുപ്പിന് കനത്ത സുരക്ഷാസന്നാഹം ഒരുക്കിയിരുന്നു.