തിരുവനന്തപുരം ഗവണ്‍മെന്റ് ആയുര്‍വേദ കോളജിലെ വിദ്യാര്‍ഥികളുടെ അനിശ്ചിതകാല സമരം മൂന്ന് ദിവസം പിന്നിട്ടു
6 December 2014
തിരുവനന്തപുരം ഗവണ്‍മെന്റ് ആയുര്‍വേദ കോളജിലെ വിദ്യാര്‍ഥികളുടെ അനിശ്ചിതകാല രാപ്പകല്‍ സമരം മൂന്ന് ദിവസം പിന്നിട്ടു. വനിതാ ഹോസ്റ്റല്‍ നിര്‍മാണം ഉടന്‍ നടപ്പാക്കുക, പിജി സീറ്റ് വെട്ടിക്കുറച്ച നടപടി പിന്‍വലിക്കുക എന്നീ ആവശ്യങ്ങള്‍ ഉന്നയിച്ചാണ് സമരം.
തിരുവനന്തപുരം ആയുര്‍വേദ കോളജിലെ പെണ്‍കുട്ടികളുടെ ഹോസ്റ്റലിന്റെ ശോചനീയാവസ്ഥ പരിഹരിക്കുമെന്ന് ആരോഗ്യമന്ത്രി പ്രഖ്യാപിച്ചിരുന്നു. തുടര്‍ന്ന് ഫണ്ട് അനുവദിക്കുകയും സ്ഥലം കണ്ടെത്തുകയും ചെയ്തെങ്കിലും ഹോസ്റ്റല്‍ നിര്‍മാണം അനിശ്ചിതമായി തുടരുകയാണ്. ഈ സാഹചര്യത്തിലാണ് എസ്.എഫ്.ഐയുടെ നേതൃത്വത്തില്‍ വിദ്യാര്‍ഥികള്‍ അനിശ്ചിതകാല രാപ്പകല്‍ സമരം നടത്തുന്നത്.
