ഇംഗ്ളണ്ടിനെതിരായ മൂന്നാം ഏകദിനത്തിലും ഇന്ത്യയ്ക്ക് വിജയം
31 August 2014
ഇംഗ്ളണ്ടിനെതിരായ മൂന്നാം ഏകദിനത്തിലും ഇന്ത്യയ്ക്ക് വിജയം. ആറ് വിക്കറ്റും 42 പന്തും ബാക്കിനിൽക്കെയായിരുന്നു ഇന്ത്യ വിജയം നേടിയത് . ടോസ് നേടി ഇന്ത്യ ഇംഗ്ളണ്ടിനെ ബാറ്റിംഗ് അയയ്ക്കുകയായിരുന്നു. നിശ്ചിത 50 ഓവറിൽ ഇംഗ്ളണ്ട് 227 റൺസിൽ പുറത്തായി. ഇന്ത്യയ്ക്കു വേണ്ടി ആർ.അശ്വിൻ മൂന്ന് വിക്കറ്റുകൾ നേടി.
മറുപടി ബാറ്റിംഗിനിറങ്ങിയ ഇന്ത്യയ്ക്ക് നല്ല തുടക്കമാണ് ഓപ്പൺർമാരായ അജിംഗ്യ രഹാനെയും ശിഖർ ധവനും നൽകിയത്. പിന്നാലെയെത്തിയ വിരാട് കൊഹ്ലിയും 64 റൺസെടുത്ത് പുറത്താകാതെ നിന്ന അംബാതി രായിഡുവും പ്രതിസന്ധിയില്ലാതെ സ്കോർ മുന്നോട്ട് നീക്കി. സുരേഷ് റെയ്ന 42 റൺസ് നേടിയപ്പോൾ ജഡേജ 12 റൺസെടുത്ത് പുറത്താകാതെ നിന്നു.
ഈ ജയത്തോടെ പരമ്പരയിൽ 2-0 ന് ഇന്ത്യ മുന്നിൽ ആണ് .