ബോളിവുഡിലെ ഒന്നാം നമ്പർ താരമായി ദീപിക പദുക്കോൺ തിരഞ്ഞെടുക്കപ്പെട്ടു
30 August 2014
ബോളിവുഡിലെ ഒന്നാം നമ്പർ താരമായി ദീപിക പദുക്കോൺ തിരഞ്ഞെടുക്കപ്പെട്ടു. രാജ്യത്തെ മൊത്തം ആരാധകരാണ് ദീപികയെ തങ്ങളുടെ ഇഷ്ടതാരമായി തെരഞ്ഞെടുത്തത്. ഇന്ത്യാ ടുഡേ സംഘടിപ്പിച്ച ആനുവൽ പോളിലൂടെയാണ് ദീപിക ഒന്നാം നമ്പർ താരമായത്.
രാഷ്ട്രീയം, സ്പോർട്ട്സ് തുടങ്ങി നിരവധി മേഖലകളിലാണ് പോൾ നടത്തിയത്. ദീപികയ്ക്ക് 13 ശതമാനം വോട്ടാണ് ലഭിച്ചത്. തൊട്ടു പിന്നാലെ കത്രീന കൈഫും, കരീനാ കപ്പൂറും, സോനാക്ഷി സിൻഹയും പ്രിയങ്കാ ചോപ്രയുമുണ്ട്.
2007ൽ ആദ്യ ചിത്രമായ ഓം ശാന്തി ഓമിലെ അഭിനയത്തിന് ദീപികയ്ക്ക് പ്രേക്ഷകരുടെ മുക്തകണ്ഠ പ്രശംസ ലഭിച്ചതാണ്. ഈ ചിത്രത്തിലെ അഭിനയത്തിന് മികച്ച പുതുമുഖ നടിക്കുള്ള നാല് അവാർഡുകൾ ദീപികയ്ക്ക് ലഭിച്ചിട്ടുണ്ട്.