പതിനെട്ട്കാരിയെ അക്രമിസംഘം പാമ്പിനെ കാണിച്ച് ഭീഷണിപ്പെടുത്തി കൂട്ടമാനഭംഗത്തിന് ഇരയാക്കി

പതിനെട്ട്കാരിയെ അക്രമിസംഘം കൂട്ടമാനഭംഗത്തിന് ഇരയാക്കി. പെൺകുട്ടിയെ പാമ്പിനെ കാണിച്ച് ഭീഷണിപ്പെടുത്തിയാണ് ബലാൽസംഘത്തിന് ഇരയാക്കിയതെന്ന് പറയപ്പെടുന്നു. പീഡന ദൃശ്യങ്ങൾ മൊബൈലിൽ പകർത്തുകയും ചെയ്തു. ഹൈദ്രാബാദിലാണ് സംഭവം നടന്നത്. കൂടാതെ ഇവർ പെൺകുട്ടിയുടെ പ്രതിശ്രുതവരനെ മർദ്ദിച്ച് അവശനാക്കുകയും ചെയ്തു.

സംഭവവുമായി ബന്ധപ്പെട്ട് ഹൈദ്രബാദ് പോലീസ് 9 പേരെ അറസ്റ്റ് ചെയ്തിട്ടുണ്ട്. കഴിഞ്ഞ കുറച്ച് വർഷങ്ങളായി ഈ അക്രമിസംഘം ജനങ്ങളെ ഭീഷണിപ്പെടുത്തി കൊള്ളയടിക്കുക പതിവായിരുന്നു. ഇവർ ചെയ്യുന്ന കുറ്റകൃത്യങ്ങൾ മൊബൈലിൽ പകർത്തുമായിരുന്നു. ചില വീഡിയോ പോലീസ് കണ്ടെടുത്തിട്ടുണ്ട്. പ്രാദേശിക തലത്തിലുള്ള പോലീസുകാരിൽ നിന്നും ഇവർക്ക് പിന്തുണ ലഭിച്ചിരുന്നതായി പറയപ്പെടുന്നു.