അതിര്ത്തിയില് പാക് വെടിവയ്പ്പില് രണ്ടു സൈനികര്ക്കു പരിക്ക്
11 August 2014
പാക്കിസ്ഥാന് അതിര്ത്തിയില് വീണ്ടും വെടിനിര്ത്തല് ലംഘിച്ചു. ജമ്മു ജില്ലയിലെ ഇന്ത്യന് പോസ്റ്റുകള്ക്കു നേരെയുണ്ടായ വെടിവയ്പ്പില് രണ്ടു ബിഎസ്എഫ് ജവാന്മാര്ക്ക് പരിക്കേറ്റു. ആര്എസ് പുര സെക്ടറിലെ നാലോളം ബിഎസ്എഫ് പോസ്റ്റുകള്ക്കു നേരെ പുലര്ച്ചെ 4.15-ഓടെയാണ് വെടിവയ്പ്പുണ്ടായത്. വെടിവയ്പ്പ് ഇപ്പോഴും തുടരുന്നതായാണ് റിപ്പോര്ട്ട്. ജോഹ്റ പോസ്റ്റ്, നോവ പിന്ഡ്, ജാഗ്ന ചാക്, ടെന്റ് പോസ്റ്റ് എന്നിവയ്ക്കു നേരെയാണ് ആക്രമണമുണ്ടായത്. പോസ്റ്റുകളെ ലക്ഷ്യമാക്കി മോര്ട്ടാര് ആക്രമണവും നടന്നതായി സൈനികവൃത്തങ്ങള് അറിയിച്ചു. ഇതേത്തുടര്ന്ന് സൈന്യം ശക്തമായി തിരിച്ചടിച്ചു.