ഭാര്യയുമായുള്ള തര്‍ക്കം; 7 വയസ്സുള്ള മകളെ കൊന്ന് കൊലപാതകം ഫെയ്‌സ്ബുക്കില്‍ പ്രൊഫൈല്‍ ചിത്രമാക്കി
21 May 2014
ഭാര്യയുമായുള്ള തര്‍ക്കത്തിനെത്തുടര്‍ന്ന് ഏഴുവയസുള്ള മകളെ കൊന്ന് ചിത്രം ഫേസ്ബുക്കിലിട്ട പിതാവ് പോലീസ് പിടിയിലായി.
മനിലയിലെ ക്യുസോണ്‍ നഗരത്തിലെ സ്വദേശി മാര്‍ക് ആല്‍വിനാ (31)ണ് സ്വന്തം മകളായ ഏഴ് വയസുകാരി എഞ്ചല്‍ മാര്‍ക് കാതെലിനെ ക്രൂരമായി കൊലപ്പെടുത്തി ആ ക്രൂരകൃത്യം ഫേസ്ബുക്കില്‍ പ്രൊഫൈല്‍ ചിത്രമാക്കിയത്. ഭാര്യയുമായുള്ള തര്‍ക്കമാണ് ഇയാളെ ഈ ക്രൂരകൃത്യത്തിന് പ്രേരിപ്പിച്ചതെന്ന് പോലീസ് പറഞ്ഞു.ഇയാളുടെ ഭാര്യ കാതറിന്‍ കാനഡയില്‍ ജോലി ചെയ്യുകയാണ്.
ഭാര്യയോട് മടങ്ങിവരാന്‍ ആവശ്യപ്പെട്ട് ഇയാള്‍ മെസേജുകള്‍ നല്‍കിയെങ്കിലും ഭാര്യയില്‍ നിന്നും മറുപടി ലഭിക്കാത്തതിനെത്തുടര്‍ന്നാണ് ഇയാള്‍ കുട്ടിയെ കൊലപ്പെടുത്തിയത്. അതിനുശേഷം ഈ ക്രൂരകൃത്യം ഇയാള്‍ ഫേസ്ബുക്ക് പ്രൊഫൈല്‍ ചിത്രമാക്കുകയും ഭാര്യയ്ക്ക് മെസേജ് ചെയ്തതായും പോലീസ് പറഞ്ഞു.
