ലോക്പാല്‍ ഇന്ന് ഡല്‍ഹി നിയമസഭയില്‍; പാസായില്ലെങ്കില്‍ രാജിയെന്ന് കെജരിവാള്‍
14 February 2014
ഡല്‍ഹിയില്‍ നിയമസഭാ സമ്മേളനത്തിന്റെ ആദ്യ ദിവസം ജന്‍ ലോക്പാല്‍ ബില്‍ അവതരിപ്പിക്കാന്‍ കഴിയാത്തതിനെത്തുടര്‍ന്ന് ഇന്ന് ബില്‍ വീണ്ടും സഭയിലെത്തും. ബില്‍ പാസാക്കാന്‍ കഴിഞ്ഞില്ലെങ്കില്‍ രാജി വെക്കുമെന്ന് കെജരിവാള്‍ വീണ്ടും വ്യക്തമാക്കി. സമ്മേളനത്തിന്റെ ആദ്യ ദിനം കോണ്‍ഗ്രസ്-ബിജെപി അംഗങ്ങളുടെ പ്രതിഷേധത്തെത്തുടര്‍ന്ന് ബില്‍ അവതരണം തടസപ്പെട്ടിരുന്നു.
നിയമമന്ത്രാലയം ബില്‍ അവതരിപ്പിക്കുന്നതിന് കേന്ദ്രാനുമതി വാങ്ങണമെന്ന നിലപാടില്‍ ഉറച്ചുനില്‍ക്കുന്നതാണ് പ്രധാന തടസ്സം. ബില്‍ അവതരണം കോണ്‍ഗ്രസും ബിജെപിയും എതിര്‍ക്കുകയാണെന്ന് കെജരിവാള്‍ കുറ്റപ്പെടുത്തി. ആംആദ്മി പാര്‍ട്ടിയെയല്ല ബി.ജെ.പിയെയായ് കോണ്‍ഗ്രസ് പിന്തുണയ്ക്കുന്നതെന്നും കെജരിവാള്‍ പറഞ്ഞു.
